له هغه وروسته چې امريکا خپل پخواني افغان کار کوونکو له افغانستان څخه ځانګړو الوتکو کې ويستلو اعلان وکړ، د اسټراليا حکومت وايي، داسې هيڅ پلان نه لري چې له مخه يې هغه افغانان چې له اسټراليايي ځواکونو سره يې کار کړی ترڅو هغوی هم ځانګړو پروازونو کې له افغانستان څخه وباسي.
امريکا ويلي چې د روانې مياشت تر پايه له افغانستان څخه خپل ټول پخواني افغان کار کوونکي له افغانستان څخه وباسي.
د امريکا افغان کار کوونکو ويزو طی مراحل بشپړيدو پورې هغوی دريم هيواد کې ځای پر ځای کوي او بيا له هغه ځايه دوی امريکا ته ليږدوي.
ويل کيږي امريکا خپل ۷۰،۰۰۰۰ پخواني افغان کار کوونکي راتلونکو دوو اونيو کې تاجکستان، ازبکستان او عرب اماراتو ته ليږدوي.
جوهن مکارتي امريکا کې د اسټراليا سفير پاتې شوی.
نوموړی وايي، اسټراليا دې هم خپل پخواني افغان کارکوونکي امريکايي پروازونو کې شامله کړي ځکه د يادو پروازونو لوجستيک امريکايي چارواکو لخوا مخې ته وړل کيږي.
ښاغلی وايي، لومړی وزير سکاټ موريسن بايد يادې مسلې په اړه له امريکا ولسمشر سره په اړيکه کې شي او دا وړانديز دې ورته وکړي.
د اسټراليا پخواني لومړي وزير جوهن هاورډ له اس بي اس سره خبرو پر مهال ويلي ول چې له افغانستان څخه د اسټراليا پخوانيو افغان کار کوونکو ويستل يو اخلاقي مسوليت دی.
د اسټراليا مهاجرت ادارې اس بي اس ته ويلي، حکومت به د افغان کار کوونکو ويستلو کې له امريکا سره لاس يو نه کړي.
د مهاجرت ادارې وياند وايي، له کابل هوايي ډګر څخه پروازونه کيږي او دې ته اړتيا نشته چې يادو ژباړونکو لپاره ځانګړي پروازنه جوړ شي.
ځيني بيا وايي، که چيرې د طالبانو او افغان دولت ترمينځ جګړه تاوده چي بيا کيدای شي له کابل هوايي ډګر څخه پروازونه ودرول شي.
Image
د اسټراليا حکومت وايي، خپل پخوانيو کاريګرو ويزو طی مراحل ته يې لومړيتوب ورکړی او چټکۍ سره هغوی ته ويزې ورکول کيږي.
تر دې دمه ۱۴۰۰ افغانانو ويزې ورکړل شوي.
ويل کيږي چې شاوخوا ۱۰۰ نور کسان په تمه دي ترڅو ويزې ترلاسه کړي.
