اسټراليا کې اوس له ۱۰۰۰ څخه ډيرو کسانو کې د کرونا وايروس موندلی شوی.
دا شمير له هغه وروسته ډير شو چې نيو ساوت ويلز ايالت کې د ۸۳ نوو پيښو خبر ورکړل شو او دا ياد ايالت کې په ۲۴ ساعتو کې تر ټولو ډيرې پيښې دي چې ثبت کيږي.
نيو ساوت ويلز ايالت کې د مارچ مياشت په ۱۱ نيټه په يو کليسا کې شاوخوا ۳۰۰ کسان مذهبي مراسمو لپاره راټول شوي ول او له هغو څخه ۷ کسانو کې د کرونا وايروس پيدا شوی. د نيو ساوت ويلز ايالت روغتيا برخې چارواکو له نورو ټولو هغو کسانو کومو چې ياد کليسا کې مذهبي مراسمو کې ګډون کړی وه غوښتي ترڅو دې ځانونه قرنطين کړي او يا دې کرونا وايروس لپاره معاينه وکړي.
نيو ساوت ويلز حکومت لورد هاوي ټاپو ته په سفر کولو باندې بنديز ولګاوه.
بله خوا د بونډای بيچ( سمندرغاړه) هم د خلکو پر مخ وتړل شوه. دا له هغه وروسته وشو چې لومړي وزير تيره ورځ د ټولنيز فاصلې غوره کولو غوښتنه وکړه ولې په هماغه ورځ بونډای سمندر غاړه کې سلګونه کسان راټول شوي ول چې د ډير چارواکو له کلک غبرګون سره مخ شو.
د ويکټوريا ايالت صدر اعظم نن سر د ۵۱ نوو پيښو خبر ورکړ او ياد ايالت کې پر کرونا مبتلا کسانو شمير ۲۲۹ تنو ته ورسيد.
The lives of school children on remote Lord Howe island changed through an improved school music program. Source: Supplied
Sydney's Bondi Beach in March. Source: AAP
کوينزليند ايالت کې هم د ۳۷ نوو پيښو خبر ورکړل شو او ياد ايالت کې پر کرونا مبتلا کسانو شمير ۲۲۱ تنو ته ورسيد.
لويديځ اسټراليا کې بيا د ۲۶ نوو پيښو خبر ورکړل شو او ياد ايالت کې ټوله کې ۹۰ کسان پپ کرونا وايروس مبتلا دي.
اسټراليا کې تر دې دمه ۷ کسان د کرونا وايروس له امله خپل ژوند له لاسه ورکړی.
نړۍ کې بيا پر کرونا وايروس مبتلا کسانو شمير ۲۷۲،۰۰۰ ته ورسيد او ۱۱،۰۰۰ کسانو بيا خپل ژوند له لاسه ورکړی چې ډيره مړينه په ايټاليا هيواد کې ثبت شوې.
پر کرونا وايروس مبتلا ۸۷،۰۰۰ کسان بيا له درملنې وروسته روغ شوي.
د کرونا وايروس نښې له يو عادي شکل څخه تر نمونيا يا سينه بغل چې په هغې کې ساه تنګي وي ليدل کيږي
د کرونا وايروس نښو کې تبه، ټوخی، ستونې درد، سست والی او ساه تنګي شامله وي.
که تاسې له بهر څخه اسټراليا ته راغلي اوسئ او ۱۴ ورځو کې دننه دا نښې ځان کې وګورئ او يا له داسې يو کس سره نږدې اړيکه کې وئ کوم چې د کرونا وايروس يې لرلی وي نو داسې حالاتو کې روغتيايي مرسته ترلاسه کړئ.
که تاسې سوچ کوئ چې د کرونا وايروس لرئ خپل ډاکټر ته مخکې له تګ څخه ټليفون وکړئ او يا د کرونا وايروس لپاره د مرستې ملي شميرې ته ۱۸۰۰۰۲۰۰۸۰ زنګ ووهئ.
