نږدې ټوله نړۍ کې پر سفرونو بنديز او يا هم محدوديتونه د خلکو تګ راتګ باندې خپلې منفي اغيزې شيندلي.
اسټراليا کې هم زرګونه کسان دا مهال لنډمهالو ويزو سره ژوند کوي کومې چې کيدای شي لنډ وخت کې موده پای ته ورسيږي.
مهم ټکي
اسټراليا کې پر کرونا وايروس مبتلا کسانو شمير نږدې ۹۰۰ تنو ته ورسيد.
نن شپه ۹ بجو وروسته اسټراليا ټولو بهرنيانو پر وړاندې خپلې پولې تړي.
د اسټراليا د کورنيو چارو وزارت له ټولو لنډمهاله اوسيدونکو غوښتي ترڅو دې د مهاجرت ادارې ويبپاڼې څخه تازه معلومات ترلاسه کړي او هم دې د ويزو مودې ختميدو څخه وړاندې نوې ويزې ته غوښتنليک ورکړي.
د مهاجرت ادارې ويلي، چې د کرونا وايروس او د پولو تړلو ته په کتو به د يادو کسانو ويزو مودې غځولو ته جلا جلا کتنه وکړي.
د کرونا وايروس نښې له يو عادي شکل څخه تر نمونيا يا سينه بغل چې په هغې کې ساه تنګي وي ليدل کيږي
د کرونا وايروس نښو کې تبه، ټوخی، ستونې درد، سست والی او ساه تنګي شامله وي.
که تاسې له بهر څخه اسټراليا ته راغلي اوسئ او ۱۴ ورځو کې دننه دا نښې ځان کې وګورئ او يا له داسې يو کس سره نږدې اړيکه کې وئ کوم چې د کرونا وايروس يې لرلی وي نو داسې حالاتو کې روغتيايي مرسته ترلاسه کړئ.
که تاسې سوچ کوئ چې د کرونا وايروس لرئ خپل ډاکټر ته مخکې له تګ څخه ټليفون وکړئ او يا د کرونا وايروس لپاره د مرستې ملي شميرې ته ۱۸۰۰۰۲۰۰۸۰ زنګ ووهئ.
