له چين څخه اسټراليا ته سفر کوونکي که د اسټراليا تابعيت ونه لري اسټراليا ته داخليدو اجازه نه لري.
د اسټراليا لومړي وزير سکاټ موريسن څو شيبې وړاندې اعلان وکړ چې د کرونا وايروس خپريدو له ويرې څخه ياد ګام پورته کوي.
له چين څخه اسټراليايي تابعيت لرونکي به اسټراليا ته رسيدو سره په خپل کوښه ځانونه قرنطين کوي ترڅو ټولنې نورو غړو ته ياد واروس ونه ليږدوي.
".د اسټراليا لومړی وزير پلازمينه کنبيرا کې خبرې کنفرانس دوران کې وويل،" له فبروری لومړی نيټې وروسته که تاسې له چين څخه اسټراليا ته راځئ نو ۱۴ ورځو لپاره به قرنطين کيږئ
" د اسټراليا تابعيت لرونکي، دايمي اوسيدو ويزې لرونکي، د اسټراليايي ژوند ملګري او يا متکي کسانو پرته نور هيجا ته اجازه نه ورکول کيږي چې له چين هيواد څخه اسټراليا ته داخل شي
لومړی وزير وايي، نن سهار د اسټراليا روغتيا برخې ماهرينو ناسته وکړه او د ياد وايروس خپريدو مخنيوي لپاره يې دا وړانديز لومړي وزير ته وړاندې کړ.
د اسټراليا بهرنيو چارو وزارت هم له ټولو اسټراليايانو وغوښتل ترڅو دې چين هيواد ته سفر نه کوي.
له نن ورځ څخه پيل د چين هيواد له هر يو ښار څخه چې اسټراليايان اسټراليا ته راځي نو ۱۴ ۲ورځو لپاره قرنطين کيږي ترڅو د ياد وايروس نښې وليدل شي او که چيرې کوم کس کې ياد وايروس وموندل شي نو په وخت يې درملنه وکړي.
اسټراليايي هوايي شرکت قانتس هم چين هيواد ته خپلې ټولې الوتنې ځنډولي.
حکومت وايي، د اسټراليا هوايي ډګرونو کې به يو ميليون مخ ماسکونه ويشل کيږي ترڅو يادو سيمو څخه راغلو مسافرو باندې وويشل شي.
دا مهال اسټراليا کې د کرونا وايروس لس پيښې تاييد شوي
د روغتيا نړيوالې ادارې د کرونا وايروس خطر او خپريدو لپاره د روغتيا نړيوال بيړنۍ حالت اعلان کړ.
تر دې دمه چين کې ۲۵۰ کسان ياد وايروس وژلي او نږدې ۱۲،۰۰۰ نور بيا پر ياد وايروس مبتلا دي.
