آسټرالیا له ایراني چارواکو غوښتي چې د اسرايیلو پر ضد پوځي اقدام ونه کړي

په داسې حال کې چې د ایران لخوا پر اسرايیلو د برید د احتمال په اړه نښې نښانې لیدل کېږي. د آسټرالیا د بهرنیو چارو وزیرې پیني وانګ ویلي چې هغې په ایران کې له خپل سیال سره خبرې کړې دي او له دغه هېواده یې غوښتي چې "تاوتریخوالی کې مرسته ونه کړي".

A group of people holding photos and banners of Iranian Revolutionary Guard Corps members killed in a strike in Syria

A top Iranian general and six other Iranian military officers were killed in an airstrike on Iran's embassy compound in Damascus earlier this month. Source: AAP / Hossein Beris / PA / Alamy

آسټرالیا له ایران څخه غوښتي چې زغم وښيي او په منځني ختیځ کې د جګړې له زیاتېدو ډډه وکړي.

د روانې اونۍ په پیل کې په دمشق کې د ایران پر سفارت په یوه هوايي برید کې یو لوړ پوړی ایرانی جنرال او شپږ نور ایراني پوځي افسران ووژل شول. ګمان کېږي چې یاد برید د اسراییلو د جنګي الوتکو لخوا ترسره شوی او ایران ویلي چې د برید غچ اخلي.

د ایران ستر مذهبي مشر ایت الله علي خامنه ای دغه برید د ایران پر خاوره د برید په څېر بللی او ویلي یې دي چې اسراییل باید مجازات شي.
د آسټرالیا د بهرنیو چارو وزیرې، پیني وانګ په یوه بیان کې چې تیره شپه په اکس پاڼه خپور شوی ویلي چې "د هغو نښو نښانو له امله ژوره اندیښمنه ده چې ایران د اسراییلو په وړاندې پوځي اقدام ته چمتووالی نیسي".

وانګ ویلي چې هغې د ایران د بهرنیو چارو له وزیر حسین امیر عبداللهیان سره خبرې کړي او له ایرانه یې غوښتي چې "په سیمه کې له خپل نفوذ څخه د ثبات د ټینګولو لپاره کار واخلي، نه د کړکېچ د رامنځته کولو لپاره".
آسټرالیا له بریټانیا، روسیې او جرمني سره یو ځای د زغم غوښتنه کوي.

د برتانیې د بهرنیو چارو وزیر ډیویډ کامرون د پنجشنبې په ورځ ویلي چې امیرعبداللهیان ته یې دا روښانه کړې چې ایران باید منځنی ختیځ یوې پراخې شخړې ته ونه لېږي.

کامرون پر اکس پاڼه لیکلي: "زه د غلطې محاسبې د احتمال په اړه ژور اندیښمن یم چې د تاوتریخوالي لامل کیږي."
د جرمني لوفتانزا هوايي شرکت د ایران پلازمېنې تهران ته د خپلو الوتنو ځنډول غځولي او روسیې منځني ختیځ ته د سفر په اړه خبرداری ورکړی.

د جرمني د بهرنیو چارو وزیرې انالینا بیرباک پر امیرعبداللهیان غږ کړی چې د لا زیات کړکېچ د مخنیوي لپاره دې "له اعظمي زغم" څخه کار واخلي.

د روسیې د بهرنیو چارو وزارت خپلو اتباعو ته ویلي چې منځني ختیځ ته په ځانګړې توګه اسراییل، لبنان او فلسطیني سیمو ته سفر ونکړي.

د اسراییلو لومړي وزیر بنیامین تانیاهو ویلي چې اسراییل په غزه کې خپله جګړه پرمخ وړي خو په نورو ځایونو کې امنیتي تیاری نیسي.

هغه د هوايي ځواک له یوې اډې څخه تر لیدنې وروسته په خپرو شویو څرګندونو کې ویلي: "څوک چې موږ ته زیان رسوي."
A man looking serious
Israeli Prime Minister Benjamin Netanyahu said his government was "prepared to meet all of the security needs of the state of Israel". Source: AAP / Pool/ABACA/PA/Alamy
زموږ د فېسبوک پاڼې له لارې د مرکو او راپورونه اورېدولو ته دوام ورکړئ.

د آسټرالیا د تازه خبرونو او په زړه پورو موضوعاتو لپاره همدا اوس زموږ ویب پاڼې ته ولاړ شئ.

که چېرې غواړئ په انګلیسي ژبه زموږ خپرې شوې مقالې ولولئ، مهرباني وکړئ دلته کلیک کړئ.

زموږ خپرونه دلته پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.

شریکول

خپور شوی په

سرچینه: AAP, SBS

Follow SBS Pashto

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Pashto-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service