د آسټرالیا لومړي وزیر انتوني البنیزي اعلان وکړ چې د فلسطین دولت به په رسمي ډول په رسمیت وپیژني.
هغه ویلي " زه نن دا تاییدولی شم چې د سپتمبر په میاشت کې د ملګرو ملتونو د عمومي اسامبلۍ په ۸۰مه غونډه کې به آسټرالیا د فلسطین دولت په رسمیت وپیژني."
"د دوو دولتونو حل د انسانیت لپاره تر ټولو غوره هیله ده چې کولی شي په منځني ختیځ کې د تاوتریخوالي دوره پای ته ورسوي او په غزه کې شخړې، کړاو او لوږې ته د پای ټکی کېږدي."
انتوني البانیز په اسراییلو نیوکه کړې او ویلي یې دي چې "د نتانیاهو حکومت په چټکۍ سره په سیمه کې غیرقانوني میشت ځایونه پراخوي".
تر دې وړاندې، فرانسې، کاناډا او انګلستان هم اعلان کړی و چې د فلسطین دولت به په رسمیت وپېژني.
د بهرنیو چارو وزیرې پیني وانګ خبریالانو ته ویلي چې متحده ایالاتو ته له دغه اعلان مخکې خبر ورکړل شوی و.
هغې ویلي "ما له اعلان څخه مخکې د بهرنیو چارو وزیر مارکو روبیو سره خبرې وکړې، او د ډیپلوماټیکو اصولو له مخې مې، هغه ته زموږ د اعلان د نیت په اړ خبر ورکړ."
د اس بي اس پښتو خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
