اسټراليا کې له ۱۱۰۰ څخه ډيرو ډاکټرانو اسټراليايي توقيف ځايو کې د بندو پناه غوښتونکو او کډوالو ژر خوشې کولو غوښتنه وکړه.
سيدني پوهنتون کې پروفيسر ډيويډ ايساک چې خپله ساينس پوه دی د ډاکټرانو لاسليک شوی ليک يې د کورنيو چارو وزير پيټر ډاټون ته وسپاره.
ښاغلی وغوښتل ترڅو دې کډوال او پناه غوښتونکي له توقيف ځايو څخه خوشې او ټولنې کې دې ورته د اوسيدو ځای ورکړل شي.
يادو ډاکټرانو ويلي، که چيرې کډوال او پناه غوښتونکي خوشې نشي، نو د هغوی ترميځ د کرونا ويروس خپريدو چانس ډير دی او يادو توقيف ځايو کې به د مړينې ناورين رامينځته شي.
ډاکټران وايي، که بند کډوالو کې د کرونا ويروس خپور شي، نو لدې سره به د اسټراليا روغتيا سيسټم له ستر فشار سره مخ شي.
دا ليک د ۱۱۸۳ ډاکټرانو او روغتيا برخې کار کوونکو لخوا داسې مهال لاسليک کيږي چې څه موده وړاندې بريزبن کې د مهاجرت توقيف ځای يو ساتونکی په کرونا ويروس مبتلا شو او دا ويره خپره شوه چې کيدای شي ياد توقيف ځای کې د کرونا ويروس چټکۍ سره خپور شي.
د اسټراليا مهاجرت ادارې څخه د ياد ليک او غوښتنې په اړه نظر غوښتل شوی.
