د آسټرالیا د امامانو شورا لخوا په یوې خپرې شوې اعلامیې کې راغلي چې د روانې مارچ میاشتې ۱۲ نېټه (د سه شنبې ورځ) د روژې مبارکې میاشتې لومړی ورځ ده.
په اعلامیې کې راغلي چې د روژې میاشتې لومړۍ شپه او تراویح د دوشنبې په شپه (۱۱ مارچ) ترسره کېږي.
دغه پرېکړه د آسټرالیا د فتوا شورا د امامانو او د آسټرالیا د لوی مفتي ترمنځ له مشورو وروسته اعلان شوې ده.
د امامانو شورا په اعلامیې کې همدا راز راغلي چې د امامانو شورا غړي د هغو امامانو او عالمانو نظر ته احترام لري چې له دغې پرېکړې سره ممکن مختلف نظرونه ولري.
په اعلامیې کې له ټولو مسلمانانو غوښتنه شوې چې په دې مسئله کې "د مختلفو نظرونو درناوی وکړي او د اسلامي ټولنې د یووالي لپاره کار وکړي."
زموږ د فېسبوک پاڼې له لارې د مرکو او راپورونه اورېدولو ته دوام ورکړئ.
د آسټرالیا د تازه خبرونو او په زړه پورو موضوعاتو لپاره همدا اوس زموږ ویب پاڼې ته ولاړ شئ.
که چېرې غواړئ په انګلیسي ژبه زموږ خپرې شوې مقالې ولولئ، مهرباني وکړئ دلته کلیک کړئ.
زموږ خپرونه دلته پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
