لومړي ځل لپاره اسټراليا کې يو ډاکټر پر کرونا وايروس مبتلا شو.
دا مهال له ايران څخه راغلي مسافرو کې ياد وايروس په ډيره کې موندل کيږي او همدا وجه ده چې اسټراليا له ايران سره د وګړو تګ راتګ باندې بشپړ بنديز ولګاوه.
له ايران څخه راغلی په يو ۴۳ کلن سړي کې دا وايروس پيدا شو او له هغه وروسته ياد وايروس يې خور ته انتقال شو او له خور څخه يې بيا يوې روغتيا برخې کار کوونکې ته انتقال شو.
يعنې کرونا وايروس اوس کومې جغرافيې پورې محدود نه دی چې ځيني وخت روغتيا برخې پوهانو ګومان کاوه ترڅو ځينو هيوادو ته سفر کولو سره به خلک پر ياد وايروس مبتلا کيږي ولې اوس له چين څخه بهر نورو هيوادو کي هم د خلکو تر مينځ ليږد يې په چټکۍ سره پر مخ روان دی.
اسټراليا کې بيا خلک د کرونا وايروس وبا ته چمتوالی نيسي او اړين توکي ذخيره کوي.
اسټراليا کې د روغتيا برخې پوهان وايي، دا ښه کار دی چې کورنۍ خپل ځانو ته ځيني توکي ذخيره کړي ولې لدې کار سره بايد وارخطايي رامينځته نشي او نه دې د سوپر مارکيټونه تش کړي.
د اسټراليا نيو ساوت ويلز ايالت سيدني ښار کې لومړي ځل لپاره له انسان څخه بل انسان ته د کرونا وايروس ليږد پيښه تائيد شوه.
دا مهال ياد بيماران ويسټميډ روغتون کې درملنې لاندې دي.
اسټراليا کې دا مهال ۴۰ کسان پر کرونا وايروس مبتلا دي او يو کس له يادې بيمارۍ خپل ژوند له لاسه ورکړی.
اسټراليا کې له خلکو غوښتل شوي چې لدې وروسته دې يو بل ته لاس نه ورکوي او خپل لاسونه دې تل پريمينځي او پاک دې وساتي.
اسټراليا روغتيا څانګې مشر برينډان مورپهي وايي، اوس دا نا ممکنه شوې چې له بهر څخه اسټراليا ته د کرونا داخليدو مخه ونيول شي.
تر دې دمه کرونا وايروس له ۳۰۰۰ ډير کسان وژلي او له ۹۰،۰۰۰ څخه ډير پر ياد وايروس مبتلا دي.
دا مهال د چين پر پرتله د نړۍ نورو هيوادو کې د ياد وايروس خپريدل چټکي سره روان دی.
