ځنګلونو اور څخه ځان ژغورنې لپاره څه بايد وکړئ؟

داچې اسټراليا د نړۍ يو له هغو هيوادونو څخه دی کوم کې چې په ځنګلونو کې هر کال اور لګيږي او ډيري کورونه او هم د عامو خلکو ژوند له خطر سره مخوي، نو اسټراليا کې اوسيدو سره تاسو ته ډير مهمه ده ترڅو اور لګيدو وخت کې پلان ولرئ.

This image of a family sheltering under a jetty to escape the 2013 Dunalley fires became a symbol of the devastating Tasmanian bushfires around the world. Source: Holmes Family

اسټراليا کې دا هم ضروري نده چې تاسې په ځنګل کې او يا له ځنګل سره نږدې ژوند وکړئ ترڅو د اور خطورونو په اړه پوه شئ، ځکه تيرو وختو کې داسې هم شوي چې اور ځنګلونو کې لګيدلی وي او بيا نورو ښارونو او ښارګوټو ته غځيدلی وي.

که چيرې تاسې اسټراليا کې ژوند کوئ نو دا معلومات تاسو لپاره خورا ډير اړين دي.

د اور لګيدو بيړني حالت کې تاسو ته کوم کارونه کول پکار دي؟

Rural Fire Services ادارې معلوماتو له مخه تاسې بايد د اور په اړه لومړی خپل کور کې دننه له کور غړو سره پرې خبرې کول دي.

ستاسو د کور ټول غړي بايد پدې خبر اوسي چې د اور لګيدو وخت کې بايد د کور هر غړی مو کوم کار وکړي.

پلان جوړولو لپاره بايد څلور برخې پام کې ونيسئ

۱: د کور له غړو سره خبرې.

۲: تياري نيول

۳: معلومات ترلاسه کول

۴: او څه ته مو اړتيا ده يا څه مو هغسې حالت کې پکار دي

د کور له غړو سره خبرې کول

که چيرې تاسې مو خپل کور پريښودو په اړه فکر کوئ نو دا برخې په نظر کې ونيسي.

۱:خپل کور څومره وخت کې او کله بايد پريږدئ؟

۲: له کوره چې بهر کيږئ نو چيرې بايد لاړ شئ؟

۳: له ځانسره بايد څه واخلئ؟

چاته بايد ټليفون وکړئ ترڅو تاسې خوندي ياست؟

او يا مو که جوړ شوی پلان ناکام شي نو څه بايد وکړئ؟

که د اور لګيدو او ستاسو سيمې ته رسيدو خطر سره بيا هم خپلو کورونو کې پاتې کيږي نو بيا دا مسايل په پام کې ونيسئ.

آيا خپل کور کې پاتې کيدو سره تاسې اور سره مبارزې لپاره ټول هغه شيان او وسايل لرئ ترڅو له تاسو سره مرسته وکړي؟

د اور لګيدو په حالت کې له کوم وخت څخه بايد تاسې خپل د کور ژغورنې باندې پيل وکړئ؟

آيا مونږ پدې پوهيږو چې له اور لګيدو څخۀ وړاندې، يا مينځ کې او يا وروسته مونږ بايد څه وکړو؟

آيا کور کې ټول غړي پدې پوهيږي چې اور لګيدو وخت کې بايد څه وکړي؟

د Bushfire څخه ژغورنې پلان لدې ځايه ډاونلود کړئ.

تياري نيول

خپل کور کې د ونو او بوټو غير ضروري شاخونه لرې کړئ.

که ستاسو چمن کې واښه لوی شوي وي نو هغه غوڅ يا لرې کړئ.

د کور هغه توکي چې اسانۍ سره اور اخلي يا يې سم ځای کې پټ کړئ او يا يې له مينځه يوسئ.

د اوبو پايپونه مو چک کړئ او ټول هغه ځايونه معلومه کړئ له کوم ځايه چې اوبه په اسانۍ ترلاسه کولی شئ.

Brian Mensfield cleans the roof of his house of dry leaves to prevent them from catching fire due to near by bushfires in Berowra, 2002. (AP Photo/Dan Peled) Source: (AP Photo/Dan Peled)

معلومات

د Rural Fire Services ادارې لخوا ۲۴ ساعتو دوران کې تازه او مهم معلومات خپريږي.

دا معلومات اسانۍ سره الکترونيکي وسايلو له لارې ترلاسه کولی شئ.

نيو ساوت ويلز او کوينزليند ايالتو کې لګيدلو اورونو څخه ځان ژغورنې او معلوماتو لپاره لاندې ويبپاڼو څخۀ ليدنه وکړئ.

https://www.qfes.qld.gov.au/

https://www.rfs.nsw.gov.au

More than 850,000 hectares of New South Wales has already burned. Source: AAP

څه پکار دي

دا ډير مهمه ده چې پوه شئ، د اور لګيدو په حالت کې تاسې چې کله خپل له کوره امن ځايونو ته پناه وړئ نو څه بايد له ځانسره واخلئ.

پدې شيانو کې موبايل، د موبايل چارجنګ بيټري،نقشه، ويبپانو معلومول او د مهمو ټليفوني شميرو ليسټ له ځانسره ولرئ.

که تاسې د اسټراليا لاندې ايالتونو کې ژوند کوئ نو اور سره تړلو معلوماتو لپاره د هر ايالت له ويبپاڼې څخه معلومات ترلاسه کړئ.

نيو ساوت ويلز

https://www.rfs.nsw.gov.au/fire-information/fires-near-me

ويکټوريا

http://www.emergency.vic.gov.au/respond

کوينزلينډ

https://www.ruralfire.qld.gov.au/map/Pages/default.aspx

لويديځ اسټراليا

https://www.emergency.wa.gov.au

جنوبي اسټراليا

https://maps.cfs.sa.gov.au

ټازمانيا

http://www.fire.tas.gov.au/Show?pageId=colGMapBushfires

پلازمينه ( کنبيرا)

https://esa.act.gov.au

 د اسټراليا شمالي سيمې

https://www.pfes.nt.gov.au/incidentmap