د آسټرالیا کرکټ بورډ د یوې اعلامیې په خپرولو سره د طالبانو د واکمنۍ پر مهال په هیواد کې د ښځو او نجونو د بشري حقونو د خرابیدو یادونه کړې ده.
ټاکل شوې وه ترڅو د روان کال په آګسټ میاشت کې د افغانستان په کوربه توب په متحده عربي اماراتو کې درې ۲۰ اوریزې لوبې ترسره شي.
د ۲۰۲۱ کال له آګسټ میاشتې راهیسې دا دریم ځل چې د آسټرالیا کرېکټ بورډ له افغانستان سره لوبې نه کوي.
د جمهوریت له سقوط وروسته آسټرالیا له افغانستان سره یواځینۍ ټېسټ لوبه لغوه کړه چې ټاکل شوې وه د ۲۰۲۱ کال په نومبر میاشت کې ترسره شي.
له هغې وروسته، د ۲۰۲۳ کال په لومړیو کې آسټرالیا له افغانستان سره درې یو ورځنۍ لوبې لغوه کړې. خو اوس یې له افغانستان سره د ۲۰ اوریزو لوبو سیریز ځنډولی دی.
کرېکټ بورډ ویلي چې د آسټرالیا د حکومت مشوره دا ده چې "په افغانستان کې د ښځو او نجونو شرایط مخ په خرابیدو دي".
