چين پر اسټراليا کلکې نيوکې کړي او اسټراليايي سياستوال يې د امريکا طوطيان ياد کړي

چين خلاف له امريکا سره اسټراليا لاس يو کړ او د کرونا ويروس وبا په اړه د شفافې پلټنې غوښته يې کړې.

Minister for Home Affairs Peter Dutton.

Minister for Home Affairs Peter Dutton Source: AAP

د امريکا ولسمشر ډونالډ ټرمپ څه موده وړاندې خبري کنفرانس دوران کې وويل، ف کرونا ويروس وبا پر وړاندې دې د چين هيواد کړنې وڅيړل شي او که چيرې چين ملامت وي نو د شوو تاوانو جبران دې وکړي.

له چين وروسته اسټراليايي چارواکو هم ورته دريځونه غوره کړي. د اسټراليا کورنيو چارو وزير پيټر ډاټون تيره اونۍ پر چين هيواد غږ کړی وه ترڅو دې د کرونا ويروس وبا په اړه معلوماتو ورکولو کې ريښتينی اوسي.

د پيټر ډاټون او بهرنيو چارو وزيرانو همداسې څرګندونو د چين هيواد قهر راوپاروه او اسټراليا کې يې خپل سفارت له لارې حکومت ته ګوتڅنډنې وکړې.

د اسټراليا حکومت خزانه دار جوش فريدينبيرګ وايي، د چين لخوا د اسټراليا کورنيو چارو وزير باندې بريد ناسم او غير عادلانه دی.

چين هيواد ويلي، د اسټراليا کورنيو چارو وزير د امريکا طوطي په توګه خبرې کوي.
د چين سفارت وياند ويلي، "اسټراليا کې د چين سفارت وايي، د کورنيو چارو وزير به له امريکا څخه ځيني لار ښوونې ترلاسه کړې وي او له امريکا سره د چين خلاف تبليغاتو سپارښتنه به ورته شوې وي."
Home Affairs Minister Peter Dutton
Australia is pushing for an independent investigation into the spread and origins of the coronavirus pandemic. Source: AAP
" امريکايي چارواکو تيره اونۍ ادعا وکړه چې د کرونا ويروس خپريدو په اړه ځيني اسناد لاس کې لري، پيټر ډاټون  يادې خبرې ته په اعشارې وويل. چين بايد معلوماتو ورکولو کې شفافيت ولري.

ښاغلي نهه ټلويزيوني شبکې سره خبرو دوران کې وويل، زه له چين څخه ډير څه نه غواړم، که چيرې کرونا ويروس اسټراليا کې پيدا شوی وای له مونږ به هم ورته غوښتنه کيده.

د اسټراليا کورنيو چارو وزير د امريکا ادعا شوي اسناد ندي ليدلي.

اسټراليا کې د چين سفارت وياند وايي، د اسټراليايي سياستوال له وخت څخه مخکې د امريکا په ګټه خبرې کوي او د ياد هيواد طوطي جوړيږي.

 د چين سفارت وياند په وينا، د اسټراليايي سياستوالو کړنې د هغوی نا پوهي او جهالت څرګندوي او دا هم ښايي چې دوی خپلواک ندي او د نورو امرونه پوره کوي.

لدې وړاندې د اسټراليا بهرنيو چارو وزيرې مارسين پاين ويلي ول چې د کرونا ويروس رامينځته کيدو اصلي لامل معلومولو لپاره دې يوه خپلواکه پلټنه وشي، کوم چې د چين کمونستي نظام ريښتينوالی يې تر پوښتنې لاندې راوست.
Australian Foreign Minister Marise Payne speaks to the media during a press conference at Parliament House in Canberra, Thursday, April 9, 2020. (AAP Image/Lukas Coch) NO ARCHIVING
Foreign Minister Marise Payne speaks to the media during a press conference at Parliament House in Canberra. Source: AAP
د چين بهرنيو چارو وزارت وياند، ماريس پاين ځواب کې وويل، چې اغلې د امريکا به ساز ګډا کوي.

د اسټراليا لومړي وزير سکاټ موريسن د چين انديښنو خلاف د کرونا ويروس په اړه د نړيوالې پلټنې غوښتنه وکړه.

ښاغلي وويل، لدې سره پر چا نيوکه نه کوو بلکې دا روغتيا سره تړلې مهمه مسله ده او ځيني مسايل روښانه کول غواړو.
Prime Minister Scott Morrison talks to reporters.
Prime Minister Scott Morrison says it's too early to tell what the health impacts are of easing restrictions. Source: AAP
د کرونا ويروس وبا چې د چين هيواد واهان ښار څخه پيل او نړۍ ته خپره شوه، د چين هيواد ريښتينوالی يې تر پوښتنې لاندې راوستی.

ولې چين وايي، چې دوی په وخت ياد ويروس په اړه ټول معلومات د روغتيا نړيوالې ادارې ته رسولي او هم يې له نړيوالې ټولنې سره د ياد ويروس مخنيوي برخه کې مرسته کړې.

د امريکا ولسمشر ډونالډ ټرمپ وايي، که چين هيواد د يادې وبا شاته لاس ولري نو له کلکو غبرګونو سره به مخ شي.

 


شریکول

خپور شوی په

اپډیټ شوی په


Follow SBS Pashto

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Pashto-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service