د متحده ایالاتو ولسمشر، ډونالډ ټرمپ اعلان کړی چې اسراییلو او ایران د اوربند پرېکړه کړې ده
ټرمپ په خپله شخصي ټولنیزه شبکه "Truth Social" لیکلي چې: " داسراییلو او ایران ترمنځ پوره او بشپړ اوربند باندې موافقه شوې ده."
نوموړي زیاته کړې چې اوربند به شاوخوا شپږ ساعتونو کې پیل شي.
خو تر دې دمه ایران او اسراییلو د ښاغلي ټرمپ دغه څرګندونې نه دي تایید کړي.
د آسترالیا لومړي وزیر انتوني البنیزي، د ټرمپ لخوا د اسراییلو او ایران ترمنځ د اوربند د اعلان هرکلی کړی دی.
البنیزي ویلي: "موږ په دوامداره توګه د خبرو اترو، ډیپلوماسۍ او د تاوتریخوالي کمولو غوښتنه کړې ده."
د اس بي اس پښتو خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
شریکول
