انګلستان د نړۍ لومړنی هيواد شو چې د فيزر او بايوټيک کمپنيو په لاس جوړ شوی د کرونا ويروس ضد واکسين پر خپل وګړو کاروي.
فيزر د امريکا او بايوټيک د جرمني کمپنی ده چې د کرونا ويروس ضد واکسين يې ۹۴ سلنه ګټور ثابت شوی.
د انګلستان حکومت وويل، د فيزر او بايوټيک واکسين ته يې اجازه ورکړه ترڅو راتلونکې اونۍ څخه پر عامو انګليسانو وکارول شي.
د انګلستان حکومت په اعلاميه کې راغلي، "حکومت د دردملو اداره کولو خپواکې ادارې په مشوره د فيزر او بايوټيک کمپنيو واکسين ته اجازه ورکړه ترڅو انګلستان کې استعمال شي."
"دا واکسين به راتلونکې اونۍ ټول انګلستان کې شتون ولري."
دا واکسين چې پر شاوخوا ۴۳۵۰۰ کسانو په شپږو هيوادونو کې ازمايل شوی پايلې يې ۹۴ سلنه مثبتې ريکارډ شوي او کومه جدي روغتيايي ستونزه يې نده رامينځته کړې.
انګلستان به ياد واکسين لومړيو کې پر زړو کسانو او روغتيا برخې کار کوونکو وکاروي.
