کووېډ-۱۹: په تېرو ۲۴ ساعتونو کې ۲۴ کسانو په نیو ساوت وېلز او وېکټوریا ایالتونو کې خپل ژوند له لاسه ورکړی دی

د آسټرالیا په ایالتونو او سېمو کې د کرونا وېروس په اړه د نن ورځې (د جنورۍ ۱۱) وروستي‌ معلومات دلته لوستلی شئ.

Paramedics are seen tending to their ambulance outside St. Vincent hospital in Melbourne, Tuesday, January 11, 2022. Source: AAP

په وېکټوریا ایالت کې د کرونا وېروس شاوخوا ۳۷ زره او په نیو ساوت وېلز ایالت کې د کرونا وېروس نږدې ۲۷ زره نوې پېښې ثبت شوي.
د سیډني د ویلاووډ د مهاجرو په توقیف ځای کې د کرونا ویروس ۶ مثبت پيښې ثبت شوي دي.
په وېکټوریا ایالت کې اوسمهال ۸۶۱ کسان په روغتونونو کې بستر دي او ۱۱۷ کسان تر جدي درملنې لاندې دي.
د وېکټوریا ایالت مشر ډنیل انډریوز وايي د روغتونونو ۳۹۹۲ کسان د کرونا ویروس له امله نشي کولای خپلو کارونو ته ستانه شي.
د معلولینو د حقونو پلویان له فدرالي حکومت څخه غواړي ترڅو د معلولو کسانو کورنیو او ساتونکو ته د چټکې آزموینې وسایل او ماسکونه په وړیا توګه ورکړي.

په نیو ساوت ویلز ایالت کې د کرونا ویروس ۲۵ زره او ۸۷۰ نوې پيښې ثبت شوي او ۱۱ کسانو خپل ژوند له لاسه ورکړی دی.
په تېرو ۲۴ ساعتونو کې په وېکټوریا ایالت کې د کرونا وېروس ۳۷ زره او ۹۹۴ نوې پېښې ثبت شوي او ۱۳ کسانو خپل ژوند له لاسه ورکړی دی.
په کوینزلنډ ایالت کې ۲۰ زره ۵۶۶ نوې پېښې ثبت شوي او یو کس خپل ژوند له لاسه ورکړی.
په تزمانیا کې د کرونا وېروس ۱۳۷۹ پېښې ثبت شوي.

د قرنطين، محدودیتونو، د آزمایښت کلینیکونو او وبا پرمهال د مالي مرستې په اړه معلومات:

د قرنطين او کرونا وېروس د معاينې چارې د آسټراليا ايالتي او سيمه ايزو حکومتونو لخوا پر مخ وړل کيږي.

د کرونا وېروس په اړه خبرونه او معلومات په ۶۰ ژبو لدې ځایه ترلاسه کولای شئ.

تاسو د خپلو ايالتونو د ويبپاڼو له لارې له ډير معلومات له لاندې لينګونو څخه ترلاسه کولی شئ.