اسټراليا کې د بيګ باش ليګ پيل شو.
د بيګ باش ليګ يو نړيوال شهرت لرونکی ليګ دی چې د نړۍ يو شمير هيوادو وتلي لوبغاړي پکې لوبيږي پيل شو.
دا ځل د اسټراليا بيګ باش لوبو کې درې افغان لوبغاړي راشد خان اډيليډ سټرايکرز، محمد نبي ميلبورن رينيګيډ او مجیب الرحمن بريزبن هيټ لوبډلو ته لوبيږي.
د راشد خان او مجیب الرحمن لوبډلو تيره شپه يوه په زړه پورې لوبه وکړه چې پای کې د اډيليډ سټرايکرز لوبډله وتوانيده چې خپله لومړنۍ لوبه وګټي.
بريزبن هيټ ۱۹ اورونو کې د ټولو لوبغاړو سوځيدو سره ۱۴۶ منډې وکړې او بيا د اډيليډ سټرايکرز لوبډلې ۱۹ اور کې د ۵ لوبغاړو سوځيدو سره ورکړل شوی هدف پوره کړ.
راشد خان د تيرې شپې لوبې غوره لوبغاړی ونومول شو.
راشد خان ۴ اورونو کې درې لوبغاړي وسوځول او ۱۹ منډې يې ورکړې.
د راشد خان لوبډلې پر وړاندې مجيب الرحمن توپ اچونه کې کوم لوبغاړی ونه سوځوه ولې ۴ اورونو کې يې ۲۶ منډې ورکړې.
دا لومړی ځل دی چې مجیب الرحمن د اسټراليا بيګ باش ليګ کې لوبيږي ولې بيا بله خوا راشد خان او محمد نبي تيرو کلونو کې هم خپلو لوبډلو لپاره بيګ باش کې لوبيدلي.
راشد خان تير کال هم خپل لومړنۍ لوبه کې د غوره لوبغاړي جايزه ترلاسه کړې وه.
د روانې مياشتې پر ۲۳ نيټه به د راشد خان لوبډله اډيليډ سټرايکرز د محمد نبي لوبډلې ميلبورن رينيګيډ سره مخامخ کيږي.
