افغانستان لوبډلې نوو لوبغاړو او په وروستيو کې سترو لاسته راوړنو د نړۍ پياوړې لوبډلې اړ کړي ترڅو له افغان لوبډلې څخه ويره ولري او پوره ځواک سره د نوموړې لوبډلې پر وړاندې لوبه ترسره کړي.
د افغانستان سپين يا ورو توپ اچوونکي د ډيرو کريکټ پوهانو په اند کولی شي چې د نړۍ پياوړو لوبډلو ته سر خوږی جوړ کړي.
د اسټراليا د کريکټ لوبډلمشر ارون فينچ وايي د اسټراليا لوبډله دا اټکل نشي کولی چې لکه ۲۰۱۵ کال لوبې په شان به نن ورځ هم ورته پايلې ولري.
۲۰۱۵ کال نريوال جام کې د اسټراليا او افغانستان ترمينځ لوبه اسټراليا له ستر توپير سره وګټله.
د نړيوال جام تاريخ کې لومړي ځل لپاره اسټراليا افغانستان ته په ۲۷۵ منډو ماتې ورکړه چې ياد توپير نړيوال ريکارډ جوړ کړ.
ولې له هغه وخت څخه اوس څلور کاله تير شوي او افغان لوبډله ددې توان لري ترڅو د نړۍ تکړه لوبډلې خپه کړي.
د افغانستان راشد خان، محمد نبي، مجيب الرحمن او حضرت ځاځي د پاکستان پر وړاندې په تمريناتي لوبه کې ځليدل اسټراليا لپاره ګواښ ګڼل کيږي.
د اسټراليا لوبډلمشر ارون فينچ وايي" افغان لوبډله اوسمهال د نړۍ په سطحه يوه معياري لوبډله ده".
ارون فينچ وايي، افغان لوبډله ډيره خطرناکه ده.
محمد نبي وايي، د اسټراليا او افغانستان ترمينځ ننۍ لوبه به د تيرو نړيوالو جامو لوبو پر پرته توپير ولري.
ښاغلی وايي، " افغان لوبډله تيرو څو کلونو راهيسې يې ډير پرمختګ کړی".
