۲۳ کلن افغان ځوان د اسټراليا ملبورن ښار د مهاجرت ترانزيت اوسيدو مرکز کې مړ شوی.
د ويکټوريا ايالت پوليسو د ياد افغان ځوان مړينې پخلی کړی او د پوليسو په وينا د ياد افغان وژنه شکمنه نده او په اړه يې خپل رپوټ وړاندې کوي.
ويل کيږي چې مړ شوی ځوان په ۲۰۱۳ کال کې د کډوال په توګه اسټراليا ته راغلی وه او راتګ وخت کې يې عمر له ۱۸ کلونو لږ وه او ماشومانو توقيف ځای کې ساتل کيده.
د مړ شوي ځوان ملګرو ويلي چي دوی له کوټې بهر د غورځيدو لوړ غږ واوريد او کله چې بهر ووتل نو ياد ځوان يې وليد چې په مخ پر ځمکه پروت وه.
د اسټراليا مهاجرت ادارې هم د ياد افغان ځوان مړينه تائيد کړی.
