د اسټراليا سيدني ښار اوسيدونکي سبا د سه شنبې په ورځ به د ويجاړونکي اور شاهده وي چيرې چې په بلو ماونټن سيمې ځنګلونو کې لګيدلي اورونو ټول سيدني ښار ته خطر پيښولی شي.
د سيدني ښار اوسيدونکو ته داسې له خطر ډک خبرداری په کال ۲۰۰۹ کې ورکړل شوی وه.
د Greater Sydney, Greater Hunter and Illawarra/Shaolhaven سيموله خلکو غوښتل شوي ترڅو د ځنګلونو اور خطر دې جدي ونيسي او خپلو کورونو او ځان ساتنې پلانو په اړه دې فکر وکړي.
د اور له امله سيمې چې له خطر سره مخ دي هغو کې له Blue Mountains څخه نيولې تر Manly پورې سيمې شامله دي.
د اسټراليا نيو ساوت ويلز او کوينزليند ايالت ډيرو ځنګولو کې لا دمخه اور لګيدلی او سبا د تيز باد له امله ددې ويره شته چې لګيدلي اورونه لا ډيرو سيمو ته وغځيږي او کورونه له خطر سره مخ کړي.
په داسې حالاتو کې له عامو خلکو غوښتل کيږي ترڅو خپل کورونه چې د اور له خطر سره مخ دي ژر پريږدي او امن ځايونو کې دې پناه واخلي.
بيا هغه کسان خپلو کورونو کې پاتې کيدای شي کوم چې د اور سره مقابلې وسايل ولري او خپل د ځان او کور ژغورنه کولی شي.
داسې له خطر ډک حالات په کال ۲۰۰۹ کې د اسټراليا ويکتوريا ايالت کې پيښ شوي ول چيرې چې ۱۷۳ کسانو څخه ژوند له لاسه ورکړ او زرګونه کورونه اور وسوځول.
