د ۲۰۱۸ کال جولای مياشت لومړۍ نيټې څخه تر ۲۰۱۹ کال مې مياشت ۳۱ نيټې پورې ۱۳۲۰۰۰ مهاجرو ته د اسټراليا تابعيت ورکړل شوی.
که چيرې دا شمير لدې مودې څخه يو کال مخکې سره پرتله شي نو هغه وخت کې ۷۰،۰۰۰ مهاجرو ته د اسټراليا تابعيت ورکړل شوی وه، معنی داچې اسټراليايي تابعيت ورکولو شمير کې ۸۸ سلنه ډيروالی راغلی.
د مهاجرت ادارې يوه داسې څانګه پرانيستلی کوم چې لانجمن د تابعيت غوښتنليکونو ارزونه کوي او بله خوا د نوو کار کوونکو ګومارنې او د هغو روزنې باندې هم ۹ ميليونو ډالرو پانګونه شوې چې دې ټولو د تابعيت غوښتنليکونو طی مراحل چټک کړی.
د اسټراليا د مهاجرت او تابعيت وزير ډيويډ کولمن وايي، د اسټراليا تابعيت ترلاسه کوونکو د انتظار موده نوره هم کميږي.
ښاغلی وايي چې د اسټراليا تابعيت يو امتياز دی او هغو خلکو ته بايد ورکړل شي کوم چې زمونږ ارزښتونو څخه ملاتړ کوي، زمونږ قوانينو ته درناوی کوي او هم د ښه اسټراليا رامينځته کولو برخه کې ونډه اخلي.
