د بریتانیا په پارلمان کې د خلکو یوې استازې د دغه هېواد له لومړۍ وزیرې تریسا مې څخه غوښتنه کړې ترڅو د سپیانو دغوښو خوړل غېرې قانوني اعلان کړي.
اوسمهال په بریتانیا کې د سپیانو د غوښې پلورل یو ناقانونه عمل دی خو که چیرې سپي د کروندګرو لخوا په سم ډول سره و وژل شي نو دوي اجازه لري ترڅو د سپیانو غوښې وخوري.
ډاکټر لیسا کامرون وایي، که چېرې حکومت د سپیانو د غوښو پر خوړلو بندیز ولګوي نو عام خلک به هم له دغې پریکړې خپل ملاتړ اعلان کړي.
په یو شمېر اسیایي هېوادونو لکه چین او کوریا کې تراوسه پورې یو زیات شمېر خلک د سپیانو غوښې خوري خو تایلند په ورستیو کې د سپیانو د غوښو پر خوړلو او پلورلو بندیز لګولی دی.
راپورونه ښيي چې د استرالیا په ډېریو ایالتونو کې هم تر اوسه پورې د سپیانو د غوښو پر خوړلو بندیز نه ده لګول شوی، له همدې امله ده چې خلک کولای شي د سپیانو په سم ډول وژلو سره د هغو غوښې وخوړي.
په استرالیا کې هم یو شمېر ډلې له حکومت څخه غوښتنه لري ترڅو د سپیانو او پیشوګانو د غوښو پر خوړلو بندیز ولګوي.
