نن د کابل په شش درک کې دوه ځانمرګي بريدونه شوي چې تر دې دمه د ۲۵ کسانو وژل کيدو او ۴۹ نورو ټپي کيدو خبر ورکړل شوی.
لومړۍ بريد سهار د ۸ بجو شاوخوا د شش درک سيمه کې وشو.
کله چې د لومړۍ چاودنې ځای کې خبريالان او نور عام وګړي راټول شول نو له هغې څخه ۲۰ دقيقې وروسته بله چاودنه وشوه چې ګڼه مرګ ژوبله يې واړوله.
ويل کيږي چې دويم ځانمرګي بريدګر د رسنيو کار کوونکو مينځ کې ځان الوزولې او دا کابل کې د ځانمرګو بريدونو لړۍ کې لومړۍ ځل دې چې د رسنيو خبريالان په نښه کيږي.
ټولنيزو رسنيو کې د وژل شوو خبريالانو او عکاسانو انځورونه شريک کيږي او د رسنيو لپاره د نن ورځ يوه توره ورځ نومول کيږي.
شریکول
