د اسټراليا د مشر ډاکټر يا چيف ميډيکل افيسر مرستيال پاول کيلي په وينا ځوانان اسټراليايان بايد د کرونا ويروس جدي ونيسي او له مستي يا پارټي کولو څخه دې ډډه وکړي.
دا څرګندونې له هغه وروسته مطرح کيږي چې اسټراليا کې يو ۴۲ کلن سړی د کرونا ويروس له امله خپل ژوند له لاسه ورکړ.
ياد کس د هغې لويې مسافر وړونکی کيښتۍ عملې څخه وه کوم چې لويديځ اسټراليا کې له دريدو وروسته مسافرو کې يې د کرونا ويروس وموندل شو.
د يادې کښتۍ ځيني بيماران د لويديځ ايالت فريمانتال روغتون ته درملنې لپاره وليږدول شول.
"د ياد ۴۲ کلن کس مړ کيدل اسټراليا کې تر ټولو کم عمره مړينه ثبت شوه."
دا مونږ ته په يادوي چې د کويډ-۱۹ ويروس زوړ او ځوان نه پيژني او ټولو ته خطر پيښولی شي.
اسټراليا کې پر کرونا ويروس مبتلا کسانو ۴۲ سلنه کسان له ۴۰ کلونو کم عمر لري.
اسټراليا کې تر دې دمه ۷۰ کسانو خپل ژوند له لاسه ورکړی
د
