حال داچي نړۍ کې مسلمانانو د سږ کال روژه له ګڼو روغتيايي او اقتصادي ستونزو سره ونيوله ولې دې نا معلومه حالت سره بيا هم د مسلمانانو حوصلې اوچتې وې او ډيره کې يې د يو بل لاس نيوی هم وکړ.
سږ کال بې ساري ډول سره مسلمانانو يووالی وښود او خپلو ټولنو کې يې د کرونا وبا او هم روژې مياشت دوران کې له يو بل سره مرسته وکړه.
داچې اوس د روژې مبارکې مياشتې پای ته يوازې د ګوتو په شمير ورځې پاتې دي د اسټراليا د امامانو ملي شورا او هم د فتوا شورا په ګډه راتلونکې يکشنبه د می د مياشت ۲۴ نيټه يې د کوچني اختر لومړی ورځ اعلانه کړه.
اسټراليا کې د امامانو شورا خپور شوي بيان کې ليکلل شوي، د کرونا ويروس وبا او شته بنديزونو په نظر کې نيولو سره مسلمانانو کولی شي د اختر لمونځ خپلو کورونو کې وکړي.
مسلمانان کولی شي خپلو کورونو کې د اختر لمونځ لږ تر لږه دريو کسانو شتون کې وکړي، او که کوم کس د اختر لمانځه خطبه ورکړي ښه ده او که چيرې خطبې کس نه وي نو بيا خطبه د اختر لمانځه لپاره ضرور نده.
