د ۲۰۲۲ کال د کرېکټ د نړیوال شل اوریز جام، وروستۍ لوبه نن (یکشنبه) د پاکستان او انګلستان د ملي لوبډلو ترمنځ په ملبورن ښار کې ترسره شوه.
د لوبې په پیل کې انګلستان ټاس وګاټه او پرېکړه یې وکړه ترڅو لومړی توپ اچونه وکړي.
پاکستان په ۲۰ اورونو کې د ۸ لوبغاړو په سوځېدو سره انګلستان ته ۱۳۸ منډې هدف وټاکه، مګر د انګلستان لوبډله په ۱۹ اورونو کې دغه هدف پوره کړ او پای لوبه یې وګټله.
د پاکستان لپاره شاه مسعود ۳۸، بابر اعظم ۳۲، شاداب خان ۲۰ او محمد رضوان ۱۵ منډې ترلاسه کړې.
د توپ اچونې په برخه کې حارث رووف ۲، شاهین افریدي، نسیم شاه او محمد وسیم یوه یوه وېکټه ترلاسه کړه.
د پاکستان او انګلستان د نن ورځې په لوبه کې سام کرن ۳ وېکټې، کریس جورډن ۲، عادل رشید هم ۲ او بن سټوکس ۱ وېکټه ترلاسه کړه.
د توپ وهنې په برخه کې د انګلستان لپاره بن سټوکس ۵۲، جاس باتلر ۲۶، هري بروک ۲۰ او معین علی ۱۹ منډې ترلاسه کړې.
د کرېکټ د شل اوریزو سیالیو جام له ۲۰۰۷م کال راهیسې پیل شوی او دا دویم ځل دی چې د انګلستان د کرېکټ لوبډله دغه جام ګټي.
