د کرونا ويروس نو بڼې Omicron پيدا کيدو وروسته د روغتيا نړيوالی ادارې خبرداری ورکړی چې ياد ويروس ډير ساري او خطرناک دی.
دا مهال Omicron د نۍ ګڼ شمير هيوادونو کې خپور شوی او اسټراليا کې هم پر نوې بڼې باندې ۶ کسان اخته شوي چې ۵ يې نيو ساوت ويلز او يو په شمالي سيمه کې موندل شوي.
د واکسين جوړولو کمپنۍ Moderna مشرې Stephane Bancel فايننشل ټايمز سره مرکه کې ويلي، داسې بيښي چې جوړ شوي واکسينونه به د کرونا ويروس پر Omicron بڼې اغيزمن نه وي.
نوموړې ويلي، لا اوس هم څيړنې روانې دي او راتلونکو دوو اونيو کې به لا روښانه شي چې ايا د ويروس نوې بڼې لپاره يو نوی واکسين جوړ شي.
د Omicron ويروس نوی بڼه لومړي ځل لپاره جنوبي افريقا کې وموندل شوه او د نوي ويروس خپ بيروني سطحې ډير بدلون انديښنې ډيرې کړي.
د روغتيا نړيواله اداره يا WHO وايي، داسې بريښي چې د ويروس نوې بڼه به نړۍ ډيرو هيوادونو ته خپور او ځينو لپاره به ډير خطر رامينځته کړي.
د امريکا ولسمشر جوبايډ د کرونا ويروس نوې بڼې په اړه ويلي، دا بايد نړۍ لپاره د انديښنې وړ موضوع وي نه د ورخطايي.
د Moderna واکسين جوړولو کمپنۍ مشرې ويلي، دوی کولی شي څو مياشتو کې دننه د ويروس نوې بڼې لپاره واکسين جوړ کړي.
شریکول
