علي حيدري چې له نږدې لسو کالو راهيسې اسټراليا کې اوسيږي او د اسټراليا دايمي ويزه لري هغه مهال ورته د اسټراليا تابعيت ورکولو څخه ډډه وشوه کله چې د هغه موټر چلولو لايسنس جعلي ثابت شو.
علي حيدري په ۲۰۱۰ کال کې اسټراليا ته د کډوال په توګه راغلی او اسټراليا ته راتګ يو کال وروسته ورته د اسټراليا دايمي ويزه ورکړل شوې.
ښاغلي حيدري په کال ۲۰۱۴ کې د اسټراليا تابعيت ترلاسه کولو لپاره غوښتنليک ورکړ، په لومړيو مرحلو کې د ښاغلي غوښتنليک ومنل شو ولې بيا په کال ۲۰۱۷ کې وموندل شوه چې نوموړي د لارۍ چلولو يو جعلي بهرنی لايسنس کارولی ترڅو له مخه يې اسټراليايي لايسنس ترلاسه کړي.
ښاغلي حيدري خپل جعلي موټر چلولو لايسنس په اړه د مهاجرت ادارې چارواکو سره مرکې دوران کې معلومات شريک کړل.
ښاغلي حيدري داسې مهال کوينزليند ايالت چارواکو ته د لارۍ چلولو افغاني لايسنس وړاندې کړی وه چې ده هيڅکله هم لارۍ نه وه چلولې.
حيدري وايي چې دده ملګري ورته پاکستان کې ياد لايسنس جوړ کړی او ده پرې اسټراليايي لايسنس اخيستی.
که اسټراليا کې څوک لومړي ځل لپاره موټر چلولو لايسنس اخلي او پخوا يې موټر نه وي چلولی نو بايد د اسټراليا د بشپړ يا FULL موټر چلولو لايسنس څخه وړاندې له ځينو نورو زده کړو لايسنسونو مرحلې بشپړې کړي او بيا له وروستی ازموينې يا Test وروسته ورته بشپړ يا full لايسنس ورکول کيږي.
ښاغلی حيدري له يادو طی مراحل څخه بچ کيدو لپاره له بهر څخه افغاني لايسنس جوړ او پرې يې اسټراليايي بشپړ لايسنس ترلاسه کړی وه.
ښاغلي چارواکو سره خبرو کې وويل، "ما کار ته اړتيا لرله او هغه وخت له کډوالو توقيف ځای څخه وتلی وم. ما چې هر کار ته غوښتنليک ورکاوه نو له ما څخه د موټر چلولو لايسنس غوښتل کيده."
ښاغلي حيدري د Administrative Appeals Tribunal ناستې ته د مهاجرت ادارې پريکړې پر وړاندې ځواب ويلو دوران کې وويل چې نوموړی خبر نه وه چې دده لايسنس جعلي دی، ښاغلي وويل کله چې په هزاره ګانو ټولنه کې د نورو کسانو موټر چلولو لايسنسونه جعلي ثابت شول هغه مهال دی هم پر خپل لايسنس شکي شو.
Administrative Appeals Tribunal ويلي چې د ښاغلي حيدري له خبرو بريښي چې ده قصدآ حکومت ته جعلي لايسنس ورکړی او لدې سره د نورو او خپل ژوند يې له خطر سره مخ کړی.
د AAT غړی Roger Maguire وايي چې علي حيدري جعلي اسناد وړاندې کړي ولې بيا بله خوا حيدري د جعلي لايسنس پر څرنګوالي نه پوهيدو خبر کوي.
Administrative Appeals Tribunal د ښاغلي حيدري اسټراليا تابعيت لپاره غوښتنليک رد کړ.
