د امريکا قانون پلي کولو ادارې د هغه پيښې پلټنه کوي چې ويل کيږي يوې ميرمنې پر کانګرس بريد دوران کې د پارلمان مشرې نانسي پلوسي Laptop يا Hard Drive غلا کړی او تور پورې شوې چې يادې ميرمنې غلا شوي توکي د روسيې هيواد پر استخباراتو پلورل غوښتل.
د FBI ادارې د يکشنبې په شپه يادې پيښې په اړه معلومات ورکړل او يوه ميرمن چې Riley June Williams نوميږي کانګرس باندې بريد دوران کې يې مظاهره کوونکي هڅول ترڅو د نانسي پلوسي دفتر ته ورشي او پر ياد دفتر بريد وکړي.
د ډونالډ ټرمپ پلويانو د نوموړي وينا وروسته پر کانګرس بريد له هغه وروسته انديښنې لا ډيرې کړي چې يادې ودانۍ کې ځيني الکترونيکي توکي غلا شوي.
د امريکا سر پرست لوی څارنوال مايکل شيروين ويلي، په کانګرس بريد وروسته د الکترونيکي شيانو غلا کول د امريکا ملي امنيت ته خطر پيښولی شي.
پر يو مظاهره کوونکې دا تور پورې شوې چې د پارلمان مشرې له دفتر څخه يې ځيني الکترونکي شيان غلا کړي او پلان يې درلود چې دا الې روسيې ته خپل ملګري ه واستوي او بيا يې پر روسيې استخباراتو وپلوري. پر يادې ميرمنې دا تور د هغه پخواني ژوند ملګري لګولی.
دا هم ويل شوي چې ميرمن Williams له کمپويټر غلا وروسته ونشو کولی چې په وخت يې روسيې ته وليږي او کيدای شي له نوموړې سره اوس هم دا کمپيوټر موجود وي او يا يې له مينځه وړی وي.
US law enforcement is investigating whether Riley Williams, pictured, took a laptop from Nancy Pelosi's office to sell to Russians. Source: FBI Court Filings
د FBI ادارې معلوماتو له مخه اغلې Williams خپل له کور څخه تښتيدلې، موبايل يې بند کړی او خپل ټولنيز رسنيو حسابونه يې تړلي.
د پارلمان مشرې نانسي پلوسي وياند له نظر ورکولو ډډه کړې ولې پر کانګرس بريد وروسته د اغلې پلوسي له دفتر څخه د يو Laptop ورکيدو خبر ورکړل شوی وه.
