د اسټراليا د سفارت پخوانيو افغان امنيتي ساتوونکو ويل شوي چې د اسټراليا حکومت دوی ځانګړو پرازونو له لارې له کابل څخه بهر وباسي.
دا خبر د اسټراليا کورنيو چارو وزيرې Karen Andrews له هغه وروسته کړې چې يادو ګارډانو ته پخوا د اسټراليا حکومت لخوا د رد ليکونه استول شوي ول.
يادو افغانانو ته هم ويل شوي چې دوی ته د اسټراليا بشري ويزو پروګرام له لارې د اسټراليا ويزې ورکول کيږي او دوی د ژباړونکو او نورو پخوانيو کار کوونکو ويزو پروګرام له لارې اسټراليا ته نه راوستل کيږي.
اغلې دا مسله داسې مهال روښانه کړه چې ډير له يادو ګارډانو څخه خپل راتلونکي لپاره انديښمن ول.
د اسټراليا کورنيو چارو وزيرې وويل، د افغان سفارت پخواني ساتوونکي يا ګارډان کولی شي د اسټراليا ژغورنې پروازونو کې له افغانستان څخه بهر وويستل شي.
" ډيرو کسانو ته ايملونه شوي او ورته ويل شويل چې تاسو ته د ۴۴۹ ويزه درکړل شوې او تاسې د هوايي ډګر دروازې ته ځان ورسوئ ترڅو له کابل څخه بهر شئ."
اسټراليا په څلورو پرازونو کې ۴۷۰ افغانان له کابل څخه بهر ويستلی، او په ويستل شوو کسانو کې د اسټراليا اتباع، افغانان او د انګلستان اتباع شامله ول.
اسټراليا له نورو ملګرو هيوادونو سره په ګډه کار کوي ترڅو له کابل څخه ډير شمير کسان بهر وباسي. د کورنيو چارو وزيره وايي،" کابل او ټول افغانستان کې حالت خرابيدو لور ته روان دی."
د اسټراليا لومړی وزير سکاټ موريسن وايي، اسټراليايي پوځيان له حامد کرزي هوايي ډګر څخه بهر نشي وتلی څخه امنيتي حالت ښه ندی
