د وېکټوریا ایالت د روغتیا وزیر مارټن فولی وايي چې د کرونا وېروس د ۲ نویو پېښو له ثبت سره د نویو پېښو شمېر څلورو ته رسېدلی دی.
تېره ورځ کله چې د وایټل سي سیمې یو اوسېدونکی د کرونا وېروس معاینې لپاره روغتون ته تللی وه تر هغه وروسته د کرونا وېروس د پېښې د شتون او ویروس د خپرېدو په اړه خلکو ته خبرداری ورکړل شوی وه.
راپورونه ښيي چې د یاد کس په کور کې یوه ښځه او ماشوم هم په کرونا وېروس اخته شوي.
تېره اوونۍ د وېکټوریا ایالت روغتیایی چارواکو اعلان وکړ چې یو غلط سوپر مارکېټ یې د کرونا وېروس د خپرېدو د ځای په توګه نومولی وه. شاوخوا دوه اوونۍ وړاندې د وېکتوریا ایالت د ایپنګ سیمې د ولوورت مغازی مشتریانو ته خبر ورکړل شوی وه ترڅو د کرونا معاینه وکړي، مګر د تېرې جمعې په ورځ چارواکو اعلان وکړ چې هغه معلومات غلط وه له همدې امله د ایپنګ نارت سیمې د ولورت خلک باید د کرونا معاینه وکړي.
Victorian Health Minister Martin Foley Source: AAP
د ویکټوریا ایالت د روغتیا مشر ښاغلی فولی وايي چې د نویو پېښو ثبت مونږ ته دا خبره را په یادوي چې د کرونا وبا پای ته نده رسېدلې.
که غواړئ د هغو سیمو نومونه وګورئ چې په کرونا اخته کس شاید هلته سفر کړی اووسي نو مهرباني وکړي د وېکټوریا ایالت د روغتیا وزارت له ویب پاڼې څخه لیدنه وکړئ.
شریکول
