د نړۍ هيوادونو کې چارواکي د ځايي قوانينو او محدوديتونو پر ځای ساتلو لپاره له بيلابيلو لارو کار اخلي، ځيني بيا دا سزاوې بل حد ته وړي ترڅو د کرونا ويروس خپريدو مخنيوی وکړي.
پدې وروستيو کې له اندونيزيا څخه خپاره شوي انځورونه ښايي، چې هغه کسان تابوت کې اچول شوي کومو چې د کرونا ويروس شته قوانينو څخه سر غړونه کړې.
بله خوا اندونيزيا کې د مخ ماسک کارونې خلاف کمپاين کوونکي اړ ايستل شوي ترڅو له کرونا ويروس څخه مړو کسانو قبرونه وکيندي.
اندونيزيا هغه يوازينی هيواد ندی چې داسې سزاوې ورکوي، تاسو ته مو د نړۍ ځينو هيوادونو عجيبې سزاوې راخيستي.
اندونيزيا
تيره اونۍ ۸ کسانو چې د مخ ماسکونه نه وه اغوستي هغوی اړ ايستل شول ترڅو د کرونا ويروس څخه مړو کسانو قبرونه وکيندي.
يو بل ډله کسان بيا د قانون ماتولو لپاره د عامه ځايونو صفايې کولو ته اړ ايستل شوي او هم ځيني نور يې بيا تابوت کې اچول شوي ترڅو خپلو کړنو لپاره سبق واخلي.
Public Order Agency officers watch people caught without masks do push ups in Tangerang on the outskirts of Jakarta. Source: AAP
اندونيزيا د کرونا ويروس قانون پلي کولو لپاره په ټول هيواد کې ۳۴۰۰۰۰ پوځيان ځای پر ځای کړي.
هند
هند کې شاوخوا ۱۰ بهرني سيلانيان چې د ګرځبند قوانين يې مات کړل او پر سرک ګرځيدل د چارواکو لخوا ورته وويل شوي ترڅو دې هر يو ۵۰۰ ځله "ما وبښئ" وليکي.
د هغوی يادې سزا څخه ويډيو واخيستل شوه او ټولنيزو رسنيو کې په پراخه کچه خپره شوه.
ټولنيزو رسنيو کې داسې ويډيوګانې هم خپري شوي چيرې چې پوليس د کرونا ويروس قانون ماتونکي په لرګيو وهي.
فيليپين
فيليپين کې چارواکي پدې تورن شوي چې د کرونا ويروس قوانينو ماتونکي د سپيانو په قفسونو کې اچولي او دا قفسونه په ساعتونو په لمر کې ايښودل شوي.
بله خوا د ځينو قانون ماتونو سرونه هم خريل شوي.
د بشر حقونو نړيواله اداره بيا د داسې سزاو خلاف غږ پورته کړی او له هيوادونو څخه يې غوښتي ترڅو دې بشري حقونه خوندي وساتي.
شریکول
