د اسټراليا حکومت له هغه وروسته له ډيرو فشارونو سره مخ شو کله چې د هوساينې سيسټم "سينټرلينک" قرضې ټولولو سيسټم څخه ډيرو اسټراليايانو شکايت وکړ او د ياد سيسټم څيړنې غوښتونکي شول.
حکومت د سينټرلينک قرضې سيسټم څيړنې وروسته موندلي چې ياد سيسټم کې ځيني برخې بايد بدلون ومومي.
ويل کيږي چې له زرګونو اسټراليايانو څخه د سينټرلينک "robo-debt” سيسټم چې د قرضې راټولولو اوتوماتيک سيسټم دی ډيرې پيسې راټولې کړي.
د اسټراليا بشري خدمتو ادارې خپلو کارکوونکو ته ايمل استولی ترڅو اسټراليا کې دې د اسټراليايي کاريګرو تنخواوې حساب په خپله وکړي او روبوټ يا کمپيوټري سيسټم ته دې نه ورکوي.
اوس پر بشري خدمتو ادارې فشار دی ترڅو ټولو هغو اسټراليايانو ته دې پيسې بيرته ورکړي کوم چې د سينټرلينک سيستم لخوا ترې ډيرې پيسې اخيستل شوي.
د اسټراليا د حکومت خدمتو وزير Stuart Robert وايي، د سينټرلينک ادارې يوازې ځيني بدلونونه راوستي او دا کوم لوی بدلون ندی.
د اسټراليا سنا مجلس پلټنې کميسيون ته ويل شوي چې د سينټرلينک ادارې لخوا د ۲۰۰ مړو کسانو جايدادونو پلټنه شوې.
بله خوا سينټرلينک ادارې باندې دا تور هم دی چې ياده اداره خلکو څخه قرضو راټولولو لپاره توهين اميزه ليکونه استوي.
د اسټراليا حکومت ژمنه کړې ترڅو د سينټرلينک روبوټيک سيستم بشپړه ارزونه کوي.
