په پام کې ده چې ښاغلی حکمتيار له ولسمشر محمد اشرف غني سره نن ما ماشپښین په ارګ کې وګوري.
ټاکل شوې چې د اسلامي حزب مشر به نن ماشپښین د افغانستان جمهوررئیس سره په ارګ کې وګوري.
د اسلامي حزب مشر ګلبدین حکمتیار د افغان حکومت سره د سولې د هوکړې د لاسلیک په پایله کې د نږدې دوه لسیزو پټ ژوند وروسته د روانې اونۍ د خلکو په منځ کې راڅرګند شو او نن سهار له ننګرهار څخه د خپلو سلګونو پلویانو په بدرګه د موټرو په یو ستر کاروان کې کابل ته راورسید.
د حکمتیار د اسلامي حزب د مطبوعاتو او فرهنګې چارو رئیس قریب الرحمان سعید ویلي چې ښاغلی حکمتیار به د جمعې په ورځ په غازي لوبغالي کې د خپلو پلویانو یوې غونډې ته وینا هم وکړي.
شریکول
