د کلیو پالمر د متحده آسټرالیا ګوند (UAP) د ۲۰۲۲ کال فدرالي ټاکنو کې د ۱۲۰ ميليونو ډالرو په مصرف يوازې د پارلمان يوه څوکۍ وګټله.
دا پداسې حال کې ده چې کوچنيو ګوندونو او هم خپلواکو نوماندانو د پام وړ څوکۍ ګټلي.
بله خوا د اسټراليا دريم ترټولو بډايه شخص، انتوني پراټ کارګر ګوند ته ټاکنو بري ۲۴ ساعتونو کې دننه د ۱.۵ ملیونو ډالرو ورکړل.
د آسټرالیا د ټاکنو کمیسیون د ۲۰۲۱/۲۲ لپاره خپل کلنی راپور وړاندې کړي چې پکې دا هم ښودل شوي چې يوې کمپنی (Climate 200) د لیبرال تر واک لاندې څوکیو مقابل کې له نورو خپلواکو نوماندانو سره ۱۴ ميليونو ډالرو مرسته کړې.
د ټاکنو کميسيون خپل کلني رپوټ کې دا ښايي چې څنګه سياست برخې ته پيسې داخليږي او پدې کې ټولې هغه مرستې چې له ۱۴۵۰۰ څخه ډيرې دي رپوټ شوي.
د اسټراليا په تاريخ کې لومړي ځل لپاره د يو سياسي ګوند لخوا ټاکنيز کمپاين لپاره دومره ډيرې پيسې مصرف شوي.
تيرو ټاکنو کمپاين دوران کې د اسټراليا دوه لويو ګوندنو هر يو ليبر ۱۱۳.۶ او ليبرال ګوند بيا ۱۰۰.۵ ميليونه ډالر مصرف کړي.
زمونږ خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
