د آسټرالیا د امامانو ملي شورا وايي مسلمانان کولای شي په روژې کې هم د کرونا واکسین ترلاسه کړي
د آسټرالیا د امامانو ملي شورا مسلمانانو ته ډاډ ورکړی چې کولای د روژې په میاشت کې هم د کرونا واکسین ترلاسه کړي ځکه په دغه کار سره روژه نه ماتېږي.
د آسټرالیا مشر مفتي ډاکټر ابراهیم ابو محمد اس بی اس شبکې سره په خبرو کې ویلي چې د کرونا واکسین حرام مواد نلري او واکسین د نورو درملو په څېر دی او له دې سره روژه نه ماتېږي.
هغه زیاتويکه چېرې له واکسین وروسته یو کس زیاته تبه ولري / یا داسې درد ولري چې د زغملو وړ نه وي نو کولای شي خپله روژه ماته کړي او دغه روژه ورسته بل وخت بیا ونیسي.
د آسټرالیا د امامانو ملي شورا تېره ورځ اعلان وکړ چې د راتلونکې سه شنبې په ورځ به په آسټرالیا کې د روژې مبارکې میاشت لومړۍ ورځ واوسېږي.
