د ایران په پلازمینې تهران کې له څو چاودنو وروسته، د اسراییلو د دفاع وزیر، اسراییل کاتز تایید کړې چې اسراییلو پر ایران توغندیز بریدونه پیل کړي دي.
له بریدونونه وروسته د اسراییلو پوځ په دغه هیواد کې د کارځایونو، ښوونځیو او د عامو خلکو د را غونډېدو د نورو ځایونو د تړلو اعلان کړی دی.
د جوریسلم پوسټ راپور ورکړی چې احتمال لري دا بریدونه ټوله ورځ دوام وکړي.
د ایران د اسلامي جمهوریت رسمي خبري اژانس، ایرنا راپور ورکړی چې له لومړنیو بریدونو شاوخوا دېرش دقیقې وروسته، د پلازمینې په بېلابېلو برخو کې د نورو چاودنو غږونه هم اورېدل شوي دي.
ګڼو سیمه ییزو خبري اژانسونو د دغه هېواد په نورو ښارونو کې هم د بریدونو راپور ورکړی دی.
د ایران د ملکي هوايي چلند ادارې ویاند مجید اخوان اعلان کړی چې "د ټول هیواد هوايي حریم تر بلې خبرتیا پورې تړل شوی دی".
شریکول
