ټاکل شوې ترڅو د آسټرالیا فدرالي ټاکنې د روانې (مې) میاشتې پر ۲۱ مه نېټه ترسره شي. دواړه سیاسي ګوندونه هڅه کوي ترڅو په کمپاینونو سره د آسټرالیایانو رایې تر لاسه کړي.
په دغه معلوماتي رپوټ کې مو د دواړو ګوندونو په اړه مهم معلومات را غونډ کړي دي:
د لیبرال ګوند
د لیبرال ګونډ د آسټرالیا له دوو اصلي ګوندونو څخه یو ده چې له ۲۰۱۳ کال راهیسې په قدرت کې ده.
د لیبرال ګوند له ۱۹۴۴ یا د جوړښت له وخت څخه د آسترالیا له ملي ګوند سره په آئتلاف کې ده او په ټاکنو کې له بریا وروسته دواړه ګوندونه په ګډه حکومت جوړوي.
په ټاکنو کې له بریا وروسته د لیبرال ګوند مشر د آسترالیا د لومړي وزیر او د آسټرالیا د ملي ګوند مشر د لومړي وزیر د مرستیال په توګه ټاکل کېږي. مګر په ټاکنو کې له ماتې وروسته د حکومت اپوزیسیون جوړوي.
سر رابرت منزیس
د لیبرال ګوند له جوړښت څخه تر نن ورځې پورې یو زیات شمېر کسانو د دغه ګوند مشري پرغاړه درلودلی، اما سر رابرت منزیس تر ټولو د زیاتې مودې لپاره د دغه ګوند د مشر په توګه پاتې شوی دی.
سر رابرت د ۱۹۰۱ کال د مهاجرت د مخنیوي د قانون پلوی پاتې شوی چې یاد قانون د "وایټ آسټریلیا" په نوم پېژندل کېږي.
مالکوم فريزر
مالکوم فریزر له ۱۹۷۵ څخه تر ۱۹۸۳ کال پورې د لیبرال ګوند د مشر او لومړي وزیر په توګه پاتې شوی.
ښاغلی فریزر له اقتصادي پلوه محافظه کار او په ټولنیز ډګر کې ترقي غوښتونکی وه. د خپل حکومت پرمهال یې هغه پروژې نورې هم پراخې کړې چې د لیبر ګوند پیل کړې وې.
جان هاورډ
له سر رابرت منزیس وروسته، جان هاورډ د اوږدې مودې لپاره د لیبرال ګوند د مشر او لومړي وزیر په توګه پاتې شوی.
نوموړی له ۱۹۹۶ څخه تر ۲۰۰۷ م کال پورې د آسټرالیا لومړی وزیر وه.
جان هاورډ د خپل حکومت پرمهال د وسلې کاروونې د مخنیوي سخت قوانین وضع کړل، په مالیاتو کې یې اصلاحات رامنځ ته کړل ترڅو آسټرالیا له پور څخه وباسي او له آسټرالیا څخه بهر د پناه غوښتونکو د دوسیو د ارزولو مرکزونه یې جوړ کړه.
ټوني ایبټ
وروسته له هغه چې په ۲۰۰۷ کال کې جان هاورډ ټاکنې بایلولې، شاوخوا ۶ کاله وروسته، د ټوني ایبټ د ریاست پرمهال په ۲۰۱۳ کال کې لیبرال ګوند یو ځل بیا ټاکنې و ګټلې او نوموړی د آسټرالیا د لومړی وزیر په توګه و ټاکل شو.
مګر نوموړی د ۲۰۱۵ کال په سپتمبر میاشت کې د خپل ګوند د غړو لخوا د لومړي وزیر له څوکۍ څخه لرې شو او مالکم ټرنبل یې پرځای و ګمارل شو.
مالکم ټرنبل
له شاوخوا ۳ کاله حکومت وروسته، په ۲۰۱۸ کال کې مالکم ټرنبل هم د خپل ګوند د غړو لخوا د لومړي وزیر او د حزب له مشرۍ څخه لرې شو او پر ځای یې سکاټ موریسن د آسټرالیا د لومړی وزیر په توګه و ټاکل شو.
سکاټ موریسن
د سکاټ موریسن د مشرۍ پرمهال لیبرال ګوند په ۲۰۱۹ کال کې یو ځل بیا فدرالي ټاکنې و ګټلې او نوموړی د آسټرالیا د لومړی وزیر په توګه و ټاکل شو.
د روانو فدرالي ټاکنو پرمهال هم سکاټ موریسن د لیبرال ګوند مشري پر غاړه لري. د راتلونکې شبنې ورځې له ټاکنو وروسته به معلومه شي چې آیا لیبرال ګوند یو ځل بیا ټاکنې ګټلی شي او که نه؟
د لیبر ګوند د آسټرالیا تر ټولو پخوانی ګوند دی چې له ۱۸۹۰ کال راهیسې فعالیت لري او په ۱۸۹۹م کال کې یې لومړنی حکومت جوړ کړی.
ګاف ویتلم
ګاف ویتلم شاید د لیبر ګوند ترټولو غوره لومړی وزیر و اوسېږي چې د اصلاحي خپرونو له امله د پلویانو په زړونو کې ځانګړی ځای لري.
نوموړی د ۱۹۷۲ او ۱۹۷۵ کلونو ترمنځ د آسټرالیا ۲۱ ام لومړی وزیر وه.
باب هاک
باب هاک د ۱۹۸۳ او ۱۹۹۱م کلونو ترمنځ د آسټرالیا لومړی وزیر وه. ښاغلي هاک د یو داسې حکومت مشري وکړه چې د آسټرالیا د اقتصاد د کنټرول لپاره یې اصلاحات معرفي کړل.
پاول کیټنګ
ښاغلي هاک د خپل خزانه دار، پاول کیټینګ له ننګونې وروسته رهبري له لاسه ورکړه، چا چې ادعا کړې وه چې څو کاله دمخه د دواړو ترمینځ په یوه معامله کې د دغې دندې ژمنه شوې وه.
نوموړی د ۱۹۹۱ او ۱۹۹۶ کلونو ترمنځ د آسټرالیا لومړی وزیر وه.
کیون راډ
د ۲۰۰۷م کال په فدرالي ټاکنو کې کیون راډ له جان هاورډ څخه ټاکنې وګټلې او د آسټرالیا د لومړی وزیر په توګه و ټاکل شو.
ښاغلي راډ په ۲۰۰۸ کال کې له بومي آسټرالیایانو څخه، په زوره له کورنیو څخه د ماشومانو د جلا کېدو لپاره بښنه وغوښته.
نوموړی د ۲۰۱۰ کال په جون میاشت کې له د آسټرالیا د لومړی وزیر او د لیبر ګوند له مشرئ څخه استعفا ورکړه.
جولیا ګیلارد
له کیون راډ وروسته جولیا ګیلارد د آسټرالیا د لومړنۍ لومړۍ وزیرې په توګه و ټاکل شوه.
نوموړې د شاوخوا ۳ کلونو لپاره د آسټرالیا لومړۍ وزیره وه. د ۲۰۱۳ کال په جون میاشت کې (له فدرالي ټاکنو مخکې) کیون راډ یو ځل بیا د آسټرالیا د لومړی وزیر په توګه و ټاکل شو. مګر په ټاکنو کې د لیبر ګوند له ماتې وروسته نوموړې استعفا ورکړه.
بیل شورټن
له کیون راډ وروسته، بیل شورټن د لیبر ګوند مشر و ټاکل شو، مګر په ۲۰۱۹ کال کې د ټاکنو له بایللو وروسته د لیبر ګوند له مشرۍ لرې شو.
انتونی البنیزی
انتونی البنیزی د ۱۹۶۳ کال د مارچ پر دویمه نېټه د آسټرالیا په سیډني ښار کې زېږېدلی دی. ښاغلی البنیزی د خپلې مور لخوا په سیډني کې لوی شوی.
د ۲۰۱۹ کال له ټاکنو وروسته، انتونی البنیزی د لیبر ګوند د مشر په توګه و ټاکل شو او تر دې دمه د یاد ګوند مشري پر غاړه لري.
