داچې نړۍ اوس نږدې ده معنی داچې د نړۍ بيلابيلو هيوادونو خلک په ډيرو پرمختللو هيوادونو کې يو ځای ژوند کوي او کيدای شي ستاس ګاونډ کې هم ځيني داسې کسان اوسيږي کوم چې له ختيځ اسيايي هيوادونو څخه دي او اوس خپل نوی کال لمانځي نو همدې لپاره مهمه ده ترڅو پدې پوه شئ چې د نړۍ يو ډير شمير نفوس قمري کال څنګه لمانځي او هر کال له ژوو سره نومول څه معنی لري.
د اسټراليا په ګډون د ختيځو اسيايي هيوادونو وګړي په ټوله نړۍ کې قمري يا Lunar نوی کال د فبرورۍ مياشت له لومړی نيټې څخه لمانځي.
د کرونا ويروس وبا له امله لکه نورو نوو کلونو ورته د قمري نوی کال لمانځنه هم په پراخه کچه نه ترسره کيږي ولې د نوي کال د ژوي سمبول پر خپل ځای وي او سږ کال د اوبو پړانګ په نامه نومول شوی.
د چين نجوم له مخه ۱۲ ژوي (حيوانات) د نوو کلونو لپاره کارول کيږي او هر ژوی ځانته کيسه او معنی لري.
په ۲۰۲۲ قمري کال کې ستاسو په ښار کې کوم ډول جشنونه لمانځل کيږي؟
12 Chinese zodiac animals Source: ChinesHighlights
د چين قمري کليزې يا جنترې له مخه سږ کال د پړانګ دی او ټول هغه کسان چې د پړانګ په کلونو کې يې زيږون کيږي ويل کيږي چې دا کسان به آزادي خوښوي او هم به عدالت ته کار کوي.
چينايي کال چې د ۱۲ ژوو په نوم نومول کيږي ۱۲ کلونو دوران لري، يعنې د هر ژوي يا حيوان ۱۲ کلونو موده کې يو ځل تکراريږي لکه څنګه چې په انځور کې تاسو ته وښودل شو.
Lunar New Year Source: AAP
لدې وړاندې د پړانګ کال په ۱۹۸۶،۱۹۹۸،۲۰۱۰ او او ۲۰۲۲ کې لمانحل کيږي.
تاريخ او افسانې
د چين قمري کال ۱۲ ژوي دادي: موږک، غوايی، سوی، ښامار، مار، اسپ، اوزه، شادي، چرګ، سپی او خوګ.
د چينايانو فلکلوري کيسو له مخه د چينايانو خدای Jade Emperor چې دوی ګومان کوي د ځمکې او جنت چلونکی دی د هغه نجوم له مخه ۱۲ ژوي د منډې سيالۍ له مخه ټاکلي.
