په داسې حال کې چې د پښتون ژغورنې غورځنګ ادعا کړې چې د دغې دلې د مشر منظور پښتین په موټر د امنیتي کسانو لخوا ډزې شوي او بیا نیول شوی دی.
پاکستانیو رسنیو راپور ورکړی چې د پښتون ژغورنې غورځنګ مشر منظور پښتین په پولیسو د ډزو په تور نیول شوی دی.
د چمن مرستیال کمیشنر راجا اطهر عباس رسنیو ته ویلي چې منظور پښتون وروسته له هغه نیول شوی چې له موټر څخه یې په پولیسو ډزې شوي دي.
عباس ډان ورځپاڼې سره په خبرو کې ویلي چې امنیتي کسانو هغه له ګودامو سیمې څخه نیولی دی او د هغه پر ضد یې مقدمه درج کړې ده.
د منظور پښتین له نیول کېدو مخکې هغه پر خپله اکس پاڼه ادعا کړې چې له چمن څخه د تربت پر لور روان وه چې پوځ او پولیسو یې پر موټر ډزې وکړي.
په ټولنیزو رسنیو کې هم د ځینو راپورونو او ویډیوګانو په خپرېدلو سره د کاروونکو لخوا شوې چې د منظور پښتین په موټر ډزې شوې.
شریکول
