د افغان سولې بنسټ (Afghan Peace Foundation) په پام کې لري چې د مارچ په ۲۱مه نېټه نوروز د آسټرالیا په فدرال پارلمان کې ولمانځي.
د نوروز په مناسبت په جوړ شوي پروګرام کې به د پارلمان غړي، ډیپلوماټان، د ټولنې غړي او ځانګړې میلمانه ګډون ولري.
نوروز هر کال د افغانستان په ګډون په بېلابېلو هېوادونو کې لمانځل کېږي، خو دا لومړی ځل دی چې نوروز د آسټرالیا د پارلمان د ودانۍ دننه په یوې ځانګړې خونې کې لمانځل کېږي.
یواځې هغه کسان په دغه پروګرام کې برخه اخیستی شي چې بلنه ورکړل شوې وي.
Credit: Supplied
هغې اس بي اس پښتو ته ویلي چې د لاندې ټکو له امله یې احساس کړی چې باید نوروز په پارلمان کې ولمانځل شي:
۱. کلتوري تنوع: د آسټرالیا په ټولنه کې د کلتوري تنوع او ټول شمولیت اهمیت په ګوته کوي.
۲. د پلونو جوړول: د مختلفو ټولنو تر منځ د پلونو د جوړولو او د مختلفو کلتورونو او دودونو لپاره د تفاهم او درناوي د ودې فرصت برابروي.
۳. د یووالي سمبول: دا د دې متنوع ډلو ترمنځ د یووالي او پیوستون سمبول دی.
۴. سیاسي اهمیت: په فدرال پارلمان کې د نوروز جشن لمانځلو ته په آسټرالیا کې افغاني ټولنې ته د ښه نیت په توګه هم لیدل کیدی شي او دا ښيي چې زموږ کلتوري میراث ته د دولت په لوړه کچه ارزښت ورکول کېږي او درناوی کېږي.
زموږ خپرونه دلته پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
شریکول
