د استرالیا له پرت ښار څخه لومړنی مستقیم پرواز لندن ته ترسره شو چې ۱۷ ساعته وخت یې ونیوه. دغه پرواز د استرالیا د کوانټس هوایي شرکت لخوا ترسره شوی چې د استرالیا ترټولو لوی هوايي شرکت دی.
دا په تاریخ کې لومړی ځل دی چې استرالیا له اروپا سره په مستقیم ډول تړل کیږي تردې وړاندې به مسافرو د سنګاپور او دوبۍ له لارې لندن ښار ته سفر ترسره کاوه او ډېر وخت به یې هم پر لاره تېرېده خو د نویو هوايي پروازونو په پیل سره به مسافر په کم وخت کې لندن ته رسیږي.
ټاکل شوې ترڅو تر ۲۰۲۲ کاله پورې د استرالیا له نورو ښارونو لکه سیډني او ملبورن څخه لندن او نیویورک ته مستقیم پروازونه پیل شي.
شریکول
