نيو ساوت ويلز ايالت په يوه ورځ کې د کرونا ويروس نوې بڼې ۱۰ نورې پيښې ثبت کړې چې لدې سره ياد ايالت کې د ويروس نوې بڼې (Omicron) شمير ۲۵ ته ورسيد.
د نيو ساوت ويلز ايالت روغتيا څانګه وايي، له نوو پيښو څخ۰ ۹ يې يو ښوونځي او هم ورزش بند ځای سره تړلي دي.
بله خوا يو کس چې د کرونا ويروس پر نوې بڼې اخته وه له سيدني څخه يې کنبيرا ته سفر کړی او داسې بريښي چې هلته يې ويروس خپور کړی وي.
تيرو ۲۴ ساعتونو کې په نيو ساوت ويلز کې ۶۱ زرو څخه ډيرو کسانو معاينه کړې او بيا ۲۰۸ کسانو کې ويروس موندل شوی.
نيو ساوت ويلز کې بالغه کسان چې کرونا ويروس واکسين يو ډوز يې ترلاسه کړئ شمير يې ۹۴.۶ ته لوړ شوی او بيا ۹۲.۸ سلنه يې بشپړ واکسين شوي.
ياد ايالت کې لا اوس هم چارواکي په يو ښوونځي کې د نوو پيښو رامينځته کيدو اصلي منبع معلومولو پلټنه کوي.
ويل کيږي چې يو له زده کوونکو څخه په Villawood indoor climbing gym کې په ويروس اخته کيدو وروسته يې په Regents Park school ښوونځي کې نورو ته هم ورکړی.
د ياد ښوونځي ۳ او ۴ ټولګيو زده کوونکي او ښوونکي ټول د نوې پيښې نږدې اړيکې کسان بلل شوي او دا مهال کورونو کې قرنطين دي.
بيا ويکټوريا ايالت د کرونا ويروس ۱۰۷۳ نوې پيښې او ۶ کسانو مړينه ثبت کړه.
دا مهال ويکټوريا ايالت کې د کرونا ويروس ۱۶۵۰۳ فعاله کيسونه شتون لري.
ويکتوريا کې دا مهال ۹۱ سلنه بالغه کسان بشپړ واکسين شوي.
د کرونا ويروس نوې بڼه (Omicron)
د اسټراليا Deakin University د ایپیډیمولوژی برخې مشره کترين بينيت وايي، د کرونا ويروس نوې بڼه د نورو پخوانيو پر پرتله چټکۍ سره له يو کس څخه بل ته خپريږي ولې بيا انسانان جدي نه ناروغه کوي.
" ويروس له امله د خلکو ډير جدي نه ناروغه کيدل يو ښه او هڅونکی خبر دی، ځکه ويروس ډيرې چټکۍ سره خپريږي ولې له ځانسره جدي ناروغي نه لري."
د اسټراليا حکومت تر ډيسمبر مياشت ۱۵ نيټې پورې له بهر څخه د بهرنيو زده کوونکو او مهارت لرونکو کاريګرو راتګ ځنډولی، بله خوا جنوبي ايالت له ويکټوريا، نيو ساوت ويلز او کنبيرا څخه پر راتلونکو مسافر محدوديتونه وضع کړي او بيا د نيو ساوت ويلز او ويکټوريا ايالتونو ترمينځ پولې پرانيستې دي.
