نيو ساوت ويلز ايالت په تيرو ۴۴ ساعتونو کې د کرونا ويروس پيښې ريکارډ کړې او حکومت نوي بنديزونه ولګول.
نوې پيښې تر پرون شپې ۸ بجو پورې ريکارډ شوې.
له ۴۴ نوو پيښو څخه ۲۹ يې نيمه قرنطين ول او ټولنه کې يې ناروغۍ دوران کې هم تګ راتګ کړی.
د نيو ساوت ويلز ايالت مشرې ګلاديس بريجيکليان وويل، سيدني ښار کې به لا ډير سخت محدوديتونه وضع کړي ترڅو ويروس څخه مړينې مخه ونيول شي.
اغلې وايي، اوسنی وضعيت زمونږ له تمې خراب دی او بايد يې مخه ونيول شي.
د نيو ساوت ويلز حکومت د ځينو نوو بنديزونو اعلان وکړ او له نن ماښام ۵ بجو وروسته به سيدني ښار کې يوازې دوه کسان بهر ورزش کولو اجازه ولري.
د سيدني ښار اوسيدونکي له نن وروسته نشي کولی ترڅو ورزش لپاره له خپل کور څخه ۱۰ کيلو متره لرې سفر وکړي.
خپل کور غړو پرته بايد موټر کې مو نور کسان له يو ځای تر بل ځايه ونه رسوئ.
تاسې له نن وروسته پر دکانو هڅې ګرځيدو څخه هم منع کيږئ.
سيدني لوی ښار کې به راتلونکې يکشنبې وروسته په جنازو کې يوازې ۱۰ کسان ګډون کولو اجازه ولري.
اغلې ګلاديس بريجيکليان وايي، له وبا پيل راهيسې دا لومړی ځل دی چې نيو ساوت ويلز ايالت له دومره خطرناک حالت سره مخ دی.
ضروري کار پرته مو له کور څخه بهر مه وځئ.
اغلې بريجيکليان وايي، دا مهال د نيو ساوت ويلز د نفوس يوازې ۹ سلنه واکسين شوي او دا ياد ايالت له ستر خطر سره مخ کولی شي.
