نيو ساوت ويلز د کرونا ويروس ۵۶۱۲ نوو پيښو ثبت سره د ځينو نوو لار ښوونو اعلان هم وکړ.
دا مهال ۳۸۲ کسان روغتونو کې درملنې لاندې دي او بيا ۵۳ کسان د روغتون په بيړڼۍ څانګې کې درملنې لاندې دي.
د نيو ساوت ويلز ايالت مشر وويل، له نن څخه په ټولو داخلي ځايونو کې د ماسک کارول جبري شو، ولې په داخلي ځايونو کې کور شامل نده.
د نيو ساوت ويلز ايالت اوسيدونکي اړ دي ترڅو دکانو او يا رستورانتونو ته داخليدو سره د QR له لارې ځان راجسټر کړي، او هم په رستورانتونو کې د ناستو کسانو په شمير محدوديت لګيدلی.
نوي محدوديتونه تر جنورۍ مياشت ۲۷ نيټې پورې عملي کيږي.
ويکټوريا ايالت بيا د کرونا ويروس ۲۰۹۵ نوې پيښې او ۸ کسانو مړينه ثبت کړې.
۳۹۷ کسان روغتون کې درملنې لاندې دي او ۷۵ يې بيا عاجلې څانګه کې درملنه ترلاسه کوي.
د ويکټوريا ايالت په تولو داخلي ځايونو کې د مخ ماسک کارول جبري شو او لويو غونډو کې چې سر خلاصو ځايونو کې جوړيږي خلک تګ راتګ وخت کې ماسک کاروي ولې ناستې وخت کې بيا د ماسک کارول جبري نده.
په تيرو ۲۴ ساعتونو کې د اسټراليا نورو ايالتونو د کرونا ويروس پيښې.
کوينزليند ايالت: ۵۸۹ نوې پيښې ثبت کړې.
جنوبي ايالت: ۶۸۸ نوې پيښې ثبت کړې.
کنبيرا: ۱۰۲ نوې پيښې ثبت کړې.
تازمانيا: ۲۷ نوې پيښې ثبت کړې.
د کوويډ-۱۹ واکسين دويم او دريم ډوز ترلاسه کولو موده نوره هم لږه شوه او څلور مياشتو فاصله کې خلک کولی شي دريم ډوز واکسين هم ترلاسه کړي.
