اسټراليا کې شته محدوديتونه يوې اونۍ لپاره وغځيدل او تر روانې مياشتې ۱۷ نيټې پورې به لګول شوي محدوديتونه پر خپل ځای وي.
لګول شوي محدوديتونه داسې مهال پر خپل ځای پاتې کيږي چې نيو ساوت ويلز کې له تيرو ۳ ورځو هيڅ کومه مثبته پيښه نده ثبت کړې.
تيرو ۲۴ ساعتونو کې ۱۸۰۰۰ کسانو د کرونا ويروس معاينه کړې او ټولنې غړو ترمينځ مثبت پيښه نده ثبت شوې.
له بهر څخه راغلو ۶ مسافرو کې د کرونا ويروس موندل شوی.
نيو ساوت ويلز ايالت کې د روغتيا چارواکي ويي، لا اوس هم د دوو کسانو په کرونا ويروس اخته کيدو اصلي منبع معلومولو چارې روانې دي.
يو ۵۰ کلن کس او ميرمن يې په کرونا ويروس اخته کيدو وروسته لوی سيډني ښار کې محدوديتونه ولګول شول.
سيدني ښار کې په کورونو کې يوازې د ۲۰ کسانو راټوليدو اجازه شته چې يادو کسانو کې د کور غړي هم شامله دي.
عامه ټرانسپورټ کې مسافر بايد د مخ ماسک وکاروي.
دا کاليو دکانو کې کار کوونکو باندې هم د ماسک اغوستل جبري ګرځول شوی.
بندو ځايونو کې پر سندرو ويلو او نڅا بنديز لګيدلی.
