د اسټراليا روغتيا وزير وايي، د واکسين ملي کمپاين پر مخ اچولو سره بيا هم داسې نه بريښي اسټراليا خپل پولې پرانيزي او خلک له اسټراليا څخه بهر او يا اسټراليا ته سفر وشي کولی.
ښاغلي مورپهي نن دا څرګندونې وکړې او د ازاد تګ راتګ يا سفر کولو پر مسلې يې رڼا واچوله، ښاغلي وويل ۲۰۲۱ کال کې به هم د اسټراليا پولې تړلې وي او پرته له ضروري کارونو او محدوديتونو ازاد اسټراليا ته او يا له اسټراليا څخه بهر سفر کول منع وي.
"د روان کال اوږدو کې به د اسټراليا پولې محدوديتونه پر خپل ځای وي."
"حتی که د نفوس ډيره برخه واکسين شوي هم وي، مونږ پر دې نه پوهيږو چې لدې سره به ويروس ليږد مخه ونيول شي.
او د قرنطين تدابير به څه وخت لپاره پر خپل ځای وي."
د ۲۰۲۰ کال مارچ مياشت څخه د اسټراليا پولې تړل شوي او يوازې اسټراليايانو او د هغوی کورنيو غړو ته اجازه ورکول کيږي چې په ټاکل شوي شمير له بهر څخه اسټراليا ته راشي.
پروفیسر مورفی در حال صحبت با رسانهها در کنبرا، هفتم جنوری ٢٠٢۱. Source: AAP
بله خوا ناروې هيواد کې د کرونا واکسين وروسته شاوخوا ۳۰ کسانو مړينې هم د واکسين څرنګوالي په برخه کې سوالونه پيدا کړي.
د اسټراليا روغتيا اداره له ناروې چارواکو څخه د يادو کسانو له واکسين وروسته مړينې په اړه معلومات غوښتي.
ناروې کې د فايزر واکسين لړۍ پيل شوې او يوازې ۳۰ کسانو مړينې سره چې دا شمير ډير لوړ هم ندی بيا هم د ډيرو هيوادونو انديښنې راپارولي.
د اسټراليا حکومت پلان لري ترڅو فبروری مياشت نيمايي وروسته فازير او هم استرا زينيکا واکسين پر اسټراليايانو تطبيق کړي.
د اسټراليا خزانه دار جاش فريدينګبرګ ويلي، اسټراليا واکسين کارونه که بيړه نه کول يو سم کار وه ترڅو د واکسين ټول اړخونه او هم ګټورتوب معلوم شي او له ځيړنو وروسته پر اسټراليايانو وکارول شي.
پر ۱۲۰۰ اسټراليايانو ټول پوښتنه ترسره شوې او د هغوی دريمې برخې کسانو د واکسين ترلاسه کولو ته خوښي ښودلې.
