داچې نړۍ اوس نږدې ده معنی داچې د نړۍ بيلابيلو هيوادونو خلک په ډيرو پرمختللو هيوادونو کې يو ځای ژوند کوي او کيدای شي ستاس ګاونډ کې هم ځيني داسې کسان اوسيږي کوم چې له ختيځ اسيايي هيوادونو څخه دي او اوس خپل نوی کال لمانځي نو همدې لپاره مهمه ده ترڅو پدې پوه شئ چې د نړۍ يو ډير شمير نفوس قمري کال څنګه لمانځي او هر کال له ژوو سره نومول څه معنی لري.
د ختيځو اسيايي هيوادونو وګړي د اسټراليا په ګډون په ټوله نړۍ کې قمري يا Lunar نوی کال د فبرورۍ مياشت له ۱۲ نيټې څخه تر ۲۷ نيټې لمانځي.
د کرونا ويروس وبا له امله لکه نورو نوو کلونو ورته د قمري نوی کال لمانځنه هم په پراخه کچه نه ترسره کيږي ولې نوي کال د ژوي سمبول پر خپل ځای دی او سږ کال د غوايی او يا ميښې په نامه نومول شوی.
د چين نجوم له مخه ۱۲ ژوي (حيوانات) د نوو کلونو لپاره کارول کيږي او هر ژوی ځانته کيسه او معنی لري.
بله خوا د چين شاوخوا هيوادونو کې بيا سږ کال ته جلا نومونه ورکړل شوي، لکه ويتنام کې تيت، اندونيزيا کې امليک، تيبيت کې تساګان او منګوليا کې لوسر.
12 Chinese zodiac animals Source: ChinesHighlights
چين کې سږ کال ته غوايی او ويتنام کې ميښې نوم ورکړل شوی.
په قمري کال ۲۰۲۱ کې ستاسو په ښار کې کوم ډول جشنونه لمانځل کيږي؟
د چين قمري کليزې يا جنترې له مخه سږ کال به د اوسپنې غوايی کال لمانځل کيږي چې اوسپنه د کلک او دروندوالي سمبول دی.
داچې غوايی د قمري کال دايرې دويم ژوی دی د چين هيواد دودپالنې له مخه که کوم کس د غوايی په کال کې زيږيدلی وي نو هغوی به خپل ژوند ډير راحتی سره تيروي او مالي ستونزې نه لري. ويل کيږي پدې کال کې زيږيدلي خلک خپل ستونزې په اسانۍ حل کولی شي او هم ډير مسوليتونه اخيستلی شي.
چينايي کال چې د ۱۲ ژوو په نوم نومول کيږي ۱۲ کلونو دوران لري، يعنې د هر ژوي يا حيوان کال ۱۲ کلونو موده کې يو ځل تکراريږي لکه څنګه چې په انځور کې تاسو ته وښودل شو.
Lunar New Year Source: AAP
لدې وړاندې د غوايی کال په ۲۰۰۹،۱۹۹۷،۱۹۸۵،۱۹۷۳،۱۹۶۱،۱۹۴۹،۱۹۳۷،۱۹۲۵ او همداسې پخوا کلونو کې لمانځل شوي ول.
چينايان فعال ليدونکي پدې باور دي چې سږ کال به يو ښه کال وي.
بله خوا ستوري پيژندونکي بيا وايي، اسټراليا د چين جنوب ختيځ کې موقيت لري او درې مهم صفتونه لري، افتخار، حيثيت او اخلاق او لدې سره اسټراليا به هم سږ يو ډير ښه کال ولري.
Chinese-Australians are celebrating a different Lunar New Year for the second year in a row. Source: Suppled
تاريخ او افسانې
د چين قمري جال ۱۲ ژوي دادي: موږک، غوايی، سوی، ښامار، مار، اسپ، اوزه، شادي، چرګ، سپی او خوګ.
د چينايانو فلکلوري کيسو له مخه د چينايانو خدای Jade Emperor چې دوی ګومان کوي د ځمکې او جنت چلونکی دی د هغه نجوم له مخه ۱۲ ژوي د منډې سيالۍ له مخه ټاکلي.
