برازيل هيواد کې يو ۲۸ کلن ډاکټر د اوکسفورډ پوهنتون لخوا جوړ شوي واکسين په رضا کاره ډول پر خپل ځان ازموينې وروسته مړ شوی.
دا لومړنۍ کس دی چې د کرونا ويروس ضد واکسين کارونې وروسته مړ کيږي.
ولې بله خوا بيا د يادې څيړنې او ازموينې چارواکي وايي، له پلټنو وروسته ددوی موندنې ښايي چې اوس هم د کرونا ويروس ضد واکسين له ځانسره خطر نه لري او ازموينه يې جاري ساتي.
رپوټونه وايي، ياد ۲۸ کلن ډاکټر برازيل هيواد کې په کرونا ويروس اخته کسان ليدل او واکسين ترلاسه کولو وروسته په کرونا ويروس اخته او خپل ژوند يې له لاسه ورکړ.
د اوکسفورډ پوهنتون په يوه اعلاميه کې ويلي، "ټول خلک چې د کرونا ويروس ضد واکسين ازمايي که هغه فردي رضا کاره وي او يا ډلييزه کسان هغوی ټول د يو بې طرفې ادارې لخوا څارل کيږي."
"د يادې پيښې پلټنې وروسته مونږ پريکړه وکړه ترڅو د واکسين ازموينه جاري وساتو او همدا نظره په برازيل کې د روغتيا چارواکو لخوا هم مونږ ته راکړل شوی."
د روان کال سيپټمبر مياشت کې اوکسفورډ او استرازينيکا چې دواړه په ګډه د کرونا ويروس ضد واکسين جوړوي خپل د ياد واکيسن ازموينه يې هغه مهال ودروله کله چې انګلستان کې يو رضا کار پر يوې نامعلومې ناروغۍ اخته شو.
دا ازموينه له هغه وروسته بيرته جاري وساتل شوه کله چې انګستان کې د روغتيا چارواکو وموندله ياد کس ته ناروغۍ د واکسين له امله نه وه پيدا شوې.
دا مهال يوازې برازيل کې ۸۰۰۰ کسان د اوکسفورډ پوهنتون لخوا جوړ شوي واکسين تر ازموينې لاندې دي او بيا ټوله نړۍ کې ۲۰،۰۰۰ کسانو باندې ياد واکسين ازمايل کيږي.
دا واکسين يوازې پر ډاکټرانو، نرسانو او د روغتيا نورو برخو کارکوونکو باندې ازمايل کيږي ځکه شرط يې دادی چې د واکسين اخيستونکي بايد د کرونا ويروس له خطر سره ډير مخ وي.
