د پااکستان پي ای ای هوايي شرکت يوه مسافر وړونکې الوتکه بوينګ ۷۷۷ د ماليزيا کوالالمپور ښار کې هغه مهال ودرول شول کله چې انګلستان کې يوې محکمې د پي ای ای هوايي شرکت لخوا د ۱۴ ميليونو ډالرو پيسې نه ورکړې لپاره د ياد هوايي شرکت الوتکې درولو غوښتنه ورکړه.
د پي ای ای هوايي شرکت وياند عبدالله خان په يو پيغام کې د ياد خبر پخلی کړی او ويلي دي چې د ماليزيا محکمې يو اړخيزه پريکړه کړې او د پی ای ای او انګلستان کې يو شرکت ترمينځ کړکيچ له مخه يې يوه مسافر وړونکې الوتکه درولې.
پی ای ای د يادې نيول شوې الوتکې مسافر بلې الوتکې له لارې پاکستان ته ليږلي.
د محکمې پريکړې له مخه د پی ای ای هوايي شرکټ دوه الوتکې ماليزيا ته رسيدو وروسته نيول کيږي او د محکمې پريکړې وروسته به د يادو الوتکو خوشې کولو پر سر پريکړه کيږي.
د انګلستان يوې محکمې پريکړې له مخه د پی ای ای هوايي شرکت ځينو الوتکو درولو وروسته دوه الوتکې ماليزيا ته مسافر وړي او ياد هيواد ته رسيدو وروسته يادې الوتکې د چارواکو لخوا درول شوي.
د ماليزيا ترانسپورټ وزارت د يادې مسافر وړونکې الوتکې درول منلي او دا يې دا يې د محکمې پريکړه بللې ولې بله خوا د پی ای ای شرکت ياد عمل غندلی او له پاکستان حکومت څخه يې غوښتي ترڅو دا مسله ديپلوماتيکو لارو څخه حل کړي.
پی ای ی شرکت دا مهال له ستر اقتصادي ناورين سره مخ دی او ۲۰۲۰ کال کې يې ۴ ميليارده ډالر تاوان کړی.
د ۲۰۲۰ کال می مياشت کې د پی ای ای يوه الوتکه کراچۍ ښار کې نسکوره شوه او ۹۷ مسافرو خپل ژوند له لاسه ورکړ.
بله خوا تير کال پی ای ای شرکت ۱۵۰ پيلوټان د جعلي اسنادو لرلو له امله له دندې لرې کړل.
تير کال جون مياشت کې اوروپايي ټولنې د پي ای ای هوايي شرکت ټولې الوتنې ۶ مياشتو لپاره بندې کړی.
تير کال سپټمبر مياشت کې د نړيوال هوايي چلند ادارې پاکستاني پيلوټانو ته لايسنس ورکول ودرول او له حکومت څخه يې وغوښتل ترڅو د پيلوټانو زده کړې او فارغ کيدو برخه کې شفافيت رامينځته کړي.
د پی ای ای الوتکې درول ياد شرکت لپاره چې لا دمخه له ستر تاوان سره مخ دی يوه بل سرخوږی جوړ کړ.
