د کرېکټ د نړیوال شل اوریز جام، لومړنۍ نیمه پایلوبه نن د پاکستان او نوي زیلنډ لوبډلو ترمنځ په سیډني ښار کې ترسره شوه.
د لوبې په پیل کې نوي زیلنډ ټاس وګاټه او پرېکړه یې وکړه ترڅو لومړی توپ وهنه وکړي.
نوي زیلنډ په ۲۰ اورونو کې د ۴ لوبغاړو په سوځېدو سره پاکستان ته ۱۵۳ منډې هدف وټاکه، مګر د پاکستان لوبډله په ۱۹ اورونو او یوه بال کې دغه هدف پوره کړ او پای لوبې ته لاره پیدا کړه.
د پاکستان او نوي زیلنډ، د نن ورځې په لوبه کې، شاهین افریدي ۲ او محمد نواز یوه وېکټه ترلاسه کړه.
د توپ وهنې په برخه کې د پاکستان لپاره محمد رضوان ۵۷، بابر اعظم ۵۳ او محمد حارث ۳۰ منډې ترلاسه کړې.
د پاکستان او نوي زیلنډ ترمنځ لوبه کې، ډاریل مچل ۵۳، کین ویلیمسن ۴۶ او دیون کانوی ۲۱ منډې ترلاسه کړې.
د هند او انګستان لوبډلو ترمڼځ سبا، د کرېکټ نړیوال جام دویمه پایلوبه په اډېلېډ ښار کې ترسره کېږي. د لوبې ګټونکې لوبډله به د نړیوال جام پایلوبې ته لاره پیدا کړي.
ټاکل شوې ترڅو د روان ۲۰۲۲ کال د شل اوریز جام وروستۍ لوبه د نومبر د میاشتې پر ۱۳ نېټه په ملبورن کې ترسره شي.
